നടി ഊര്‍മിള മാതോണ്ട്കര്‍ കോണ്‍ഗ്രസ് വിട്ടു, ഗ്രൂപ്പു വഴക്ക് സഹിക്കാനാവില്ലെന്നു താരം

നടി ഊര്‍മിള മാതോണ്ട്കര്‍ കോണ്‍ഗ്രസ് വിട്ടു, ഗ്രൂപ്പു വഴക്ക് സഹിക്കാനാവില്ലെന്നു താരം
നടി ഊര്‍മിള മാതോണ്ട്കര്‍ കോണ്‍ഗ്രസ് വിട്ടു, ഗ്രൂപ്പു വഴക്ക് സഹിക്കാനാവില്ലെന്നു താരം

മുംബൈ: ലോക്‌സഭാ തെരഞ്ഞെടുപ്പിനു തൊട്ടു മുമ്പായി കോണ്‍ഗ്രസില്‍ എത്തിയ നടി ഊര്‍മിള മാതോണ്ട്കര്‍ പാര്‍ട്ടി വിട്ടു. കോണ്‍ഗ്രസ് വിടുകയാണെന്ന് ഊര്‍മിള പ്രഖ്യാപിച്ചു. 

മുംബൈയിലെ കോണ്‍ഗ്രസ് നേതാക്കള്‍ക്കു ഗ്രൂപ്പു പ്രവര്‍ത്തനത്തില്‍ മാത്രമാണ് താത്പര്യമെന്നും വിശാല ലക്ഷ്യത്തിനു വേണ്ടി പ്രവര്‍ത്തിക്കാന്‍ അവര്‍ തയാറാവുന്നില്ലെന്നും കുറ്റപ്പെടുത്തിക്കൊണ്ടാണ് ഊര്‍മിള പാര്‍ട്ടി വിടുകയാണെന്നു പ്രഖ്യാപിച്ചത്. സാമൂഹ്യവും രാഷ്ട്രീയവുമായി തനിക്കുള്ള ബോധ്യങ്ങള്‍ ഈ പാര്‍ട്ടിയില്‍ തുടരാന്‍ അനുവദിക്കുന്നില്ലെന്നും ഊര്‍മിള പറഞ്ഞു.

ലോക്‌സഭാ തെരഞ്ഞെടുപ്പിനു മുമ്പായി കോണ്‍ഗ്രസില്‍ എത്തിയ 'രംഗീല' താരം മുംബൈ നോര്‍ത്തില്‍ സ്ഥാനാര്‍ഥിയായിരുന്നു. ഇതിനിടെ മുംബൈയിലെ കോണ്‍ഗ്രസ് നേതാക്കളുമായുള്ള അഭിപ്രായ ഭിന്നതയുടെ പേരിലും ഊര്‍മിള വാര്‍ത്തകളില്‍ നിറഞ്ഞു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com