നാഗ്പൂര്‍: ആസന്നമായ മഹാരാഷ്ട്ര തെരഞ്ഞെടുപ്പില്‍ ബിജെപി പ്രവര്‍ത്തകരെ ഭീഷണിപ്പെടുത്തി കോണ്‍ഗ്രസ് എംഎല്‍എ. ബിജെപിയുടെ കൊടി പിടിക്കുന്നവരെ മര്‍ദിക്കുമെന്ന് മഹാരാഷ്ട്രയിലെ കല്‍മേശ്വര്‍ നിയോജകമണ്ഡലത്തിലെ കോണ്‍ഗ്രസ് എംഎല്‍എ സുനില്‍ കേദര്‍ ഭീഷണി മുഴക്കി. ഇതിന്റെ വീഡിയോ വ്യാപകമായാണ് പ്രചരിക്കുന്നത്.
വിദര്‍ഭയിലെ സില്‍വദ ഗ്രാമത്തില്‍ പ്രവര്‍ത്തകരെ അഭിസംബോധന ചെയ്യുകയായിരുന്നു സുനില്‍ കേദര്‍. ബിജെപിയുടെ റാലിയില്‍ പങ്കെടുക്കുന്നതിനെ കേദര്‍ താക്കീത് ചെയ്തു. തുടര്‍ന്നായിരുന്നു വിവാദ പരാമര്‍ശം. ബിജെപിയുടെ കൊടി പിടിക്കുന്നത് കാണാന്‍ ഇടയായാല്‍, അവരെ വീട്ടില്‍ നിന്ന് പുറത്തിറക്കി താന്‍ മര്‍ദിക്കുമെന്നായിരുന്നു എംഎല്‍എയുടെ ഭീഷണി.
പ്രവര്‍ത്തകര്‍ ഇത് മനസ്സിലാക്കി പ്രവര്‍ത്തിച്ചാല്‍ അവര്‍ക്ക് മേല്‍ സ്‌നേഹം വര്‍ഷിക്കും. അല്ലാത്ത പക്ഷം അവര്‍ ഗുരുതരമായ പ്രത്യാഘാതങ്ങളെ നേരിടേണ്ടി വരുമെന്നും എംഎല്‍എ ഭീഷണി മുഴക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
