ഭോപാല്: പ്രധാനമന്ത്രി നരേന്ദ്ര മോദിയുടെ ജന്മദിനാഘോഷത്തിന്റെ ഭാഗമായി സര്ദാര് സരോവര് അണക്കെട്ട് നിശ്ചയിച്ച സമയത്തിലും മുന്പേ തുറന്നുവെന്ന് മധ്യപ്രദേശ്. ഗുജറാത്ത് സര്ക്കാര് സംഘടിപ്പിച്ച നമാമി ദേവി നര്മതാ മഹോത്സവത്തിന്റെ പേരില് നിശ്ചയിച്ച സമയത്തിലും മുന്പേ അണക്കെട്ട് നിറച്ചതായി മധ്യപ്രദേശ് ആഭ്യന്തര മന്ത്രി ബാലാ ബച്ചന് ആരോപിക്കുന്നു.
ഇതേതുടര്ന്ന് അണക്കെട്ടിലെ വെള്ളം കൂടിയതോടെ മധ്യപ്രദേശിലെ അഞ്ച് ജില്ലകളിലെ ദുരിതാശ്വാസ പുനരധിവാസ പ്രവര്ത്തനങ്ങളെ ഇത് ബാധിച്ചതായും മധ്യപ്രദേശ് ആഭ്യന്തര മന്ത്രി പറഞ്ഞു. നര്മദാ നിയന്ത്രണ അതോറിറ്റിയുടെ നിര്ദേശപ്രകാരമാണെങ്കില് ഒക്ടോബര് പകുതിയോടെയെ അണക്കെട്ട് മുഴുവന് നിറയുകയുള്ളുവെന്ന് ബച്ചന് ചൂണ്ടിക്കാണിക്കുന്നു.
എന്നാല്, പ്രധാനമന്ത്രിക്ക് ജന്മദിനം ആഘോഷിക്കുവാനായി ഒരു മാസം മുന്പേ ഇത് നിറയ്ക്കുകയായിരുന്നു. അണക്കെട്ടിലെ പരമാവധി ജലനിരപ്പായ 138.68 മീറ്ററിലാണ് സര്ദാര് സരോവര് അണക്കെട്ടില് മോദി ജന്മദിനാഘോഷത്തിന്റെ ഭാഗമായി അര്ച്ചന നടത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ