മുംബൈ: മുംബൈയിലെ രണ്ട് ആശുപത്രികളിലായി ആറ് മലയാളി നഴ്സുമാര്ക്ക് കൂടി കോവിഡ് 19 സ്ഥിരീകരിച്ചു. ഭാട്ട്യ ആശുപത്രിയിലെ നാല് നഴ്സുമാര്ക്കും ബ്രീച്ച് കാന്ഡി ആശുപത്രിയിലെ രണ്ടുപേര്ക്കും ആണ് കൊറോണ സ്ഥിരീകരിച്ചത്. ഇതോടെ മുംബൈയില് കൊറോണ സ്ഥിരീകരിച്ച മലയാളി നഴ്സുമാരുടെ എണ്ണം 57 ആയി.
രാജ്യത്തെ കൊറോണ വൈറസ് ബാധ മൂലം ഏറെ മരണങ്ങള് റിപ്പോര്ട്ട് ചെയ്യുന്ന നഗരം കൂടിയാണ് മുംബൈ. ഇതുവരെ 65 പേര് മരിച്ചു. മുംബൈയിലെ ആശുപത്രികളില് ഐസൊലേഷനിലുള്ള മലയാളി നഴ്സുമാര്ക്ക് മതിയായ ചികിത്സ ലഭിക്കുന്നില്ലെന്നും പരാതി ഉണ്ട്.
മഹാരാഷ്ട്രയില് 24 മണിക്കൂറിനിടെ 25 പേരാണ് മരിച്ചത്. 229 പേര്ക്ക് പുതുതായി രോഗബാധ സ്ഥിരീകരിച്ചു. ഇതോടെ സംസ്ഥാനത്ത് കോവിഡ് ബാധിതരുടെ എണ്ണം 1364 ആയി ഉയര്ന്നു.ബൃഹന് മുംബൈ കോര്പ്പറേഷന് പരിധിയില് പുതുതായി 79 പേര്ക്കാണ് കോവിഡ് സ്ഥിരീകരിച്ചത്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ