ഓണ്‍ലൈനിലൂടെ വൈന്‍ ഓര്‍ഡര്‍ ചെയ്തു, ക്യു ആര്‍ കോഡ് സ്‌കാന്‍ ചെയ്യാന്‍ നിര്‍ദേശം ; യുവതിക്ക് നഷ്ടമായത് 40,000 രൂപ

ഓണ്‍ലൈനില്‍ കണ്ട വൈന്‍ വില്‍പ്പനശാലയുടെ നമ്പറിലേക്ക് വിളിച്ച് യുവതി മൂന്നു കുപ്പി വൈന്‍ ഓര്‍ഡര്‍ ചെയ്തു
പ്രതീകാത്മക ചിത്രം
പ്രതീകാത്മക ചിത്രം

ബംഗളൂരു: ഓണ്‍ലൈനിലൂടെ വൈന്‍ ഓര്‍ഡര്‍ ചെയ്ത യുവതിക്ക് നഷ്ടമായത് 40,300 രൂപ. വൈറ്റ്ഫീല്‍ഡ് സ്വദേശിനിക്കാണ് പണം നഷ്ടമായത്. കോവിഡ് രോഗബാധയുടെ പശ്ചാത്തലത്തില്‍ കടകളില്‍ പോകുന്നതിലെ ബുദ്ധിമുട്ട് പരിഗണിച്ചായിരുന്നു യുവതി ഓണ്‍ലൈനിലൂടെ ഓര്‍ഡര്‍ നല്‍കിയത്. 

ഓണ്‍ലൈനില്‍ കണ്ട വൈന്‍ വില്‍പ്പനശാലയുടെ നമ്പറിലേക്ക് വിളിച്ച് യുവതി മൂന്നു കുപ്പി വൈന്‍ ഓര്‍ഡര്‍ ചെയ്തു. ഓര്‍ഡര്‍ സ്വീകരിച്ചയാള്‍ വൈന്‍ വീട്ടിലെത്തിച്ചു നല്‍കാമെന്ന് അറിയിച്ചു. ഇതിന് പണം മുന്‍കൂട്ടി നല്‍കണമെന്നും ആവശ്യപ്പെട്ടു. യുവതി ഇക്കാര്യം അംഗീകരിച്ചു. 

വൈനിന് 1300 രൂപ വിലയാകുമെന്ന് അറിയിച്ചു. തുടര്‍ന്ന് അയാള്‍ ബാങ്ക് അക്കൗണ്ട് വിവരങ്ങള്‍ ചോദിച്ച ശേഷം ഒരു ക്യു.ആര്‍. കോഡ് യുവതിയുടെ മൊബൈലിലേക്ക് അയച്ചു. ഇതു സ്‌കാന്‍ ചെയ്താല്‍ വൈനിന്റെ വില കൈമാറാന്‍ കഴിയുമെന്നും പറഞ്ഞു. 

എന്നാല്‍ ക്യു.ആര്‍. കോഡ് സ്‌കാന്‍ചെയ്ത് അര മണിക്കൂറിനുള്ളില്‍ 40,300 രൂപ അക്കൗണ്ടില്‍നിന്ന് നഷ്ടപ്പെട്ടുവെന്ന് യുവതി പറഞ്ഞു. ഇതോടെ ഓര്‍ഡര്‍ സ്വീകരിച്ചയാളെ തിരിച്ചുവിളിച്ചെങ്കിലും സ്വിച്ച് ഓഫ് ആയി. തുടര്‍ന്ന് യുവതി പൊലീസില്‍ പരാതി നല്‍കുകയായിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com