മഹാരാഷ്ട്രയിലും ആന്ധ്രയിലും കോവിഡ് രോഗികളുടെ എണ്ണം കുതിച്ചുയരുന്നു; ഇന്ന് മാത്രം പതിനായിരത്തിലേറെ പേര്‍ക്ക് രോഗം

മുംബൈ: മഹാരാഷ്ട്രയിലും ആന്ധ്രാപ്രദേശിലും 24 മണിക്കൂറിനിടെ പതിനായിരത്തിലധികം പേര്‍ക്ക് കോവിഡ്. മഹാരാഷ്ട്രയില്‍ 10,483 പേര്‍ക്കാണ് രോഗം സ്ഥിരീകരിച്ചത്. ആന്ധ്രയില്‍ 10,171 പേര്‍ക്കാണ് രോഗം ബാധിച്ചത്. 

ഇന്ന് 300 പേരാണ് മഹാരാഷ്ട്രയില്‍ മരിച്ചത്. ഇതോടെ മൊത്തം മരണ സംഖ്യ 17,092 ആയി. 

മഹാരാഷ്ട്രയിലെ മൊത്തം രോഗികളുടെ എണ്ണം 4,90262 ആണ്. ഇതില്‍ 1,45,582 ആക്ടീവ് കേസുകളുണ്ട്. 3,27,281 പേര്‍ക്കാണ് രോഗ മുക്തി. 

ആന്ധ്രയില്‍ ഇന്ന് 89 പേരാണ് മരിച്ചത്. സംസ്ഥാനത്തെ മൊത്തം മരണ സംഖ്യ ഇതോടെ 1,842 ആയി. 

2,06,960 പേര്‍ക്കാണ് സംസ്ഥാനത്ത് ഇതുവരെ രോഗം ബാധിച്ചത്. ഇതില്‍ 84,654 ആക്ടീവ് കേസുകളാണ്. 1,20,464 പേര്‍ക്കാണ് രോഗ മുക്തി. കഴിഞ്ഞ 24 മണിക്കൂറിനിടെ 7,594 പേര്‍ക്കാണ് രോഗമുക്തി.