ന്യൂഡല്ഹി : രാജ്യത്ത് കോവിഡ് രോഗബാധിതരുടെ എണ്ണം വര്ധിക്കുകയാണ്. ഇന്നലെ 66,999 പേര്ക്കാണ് കോവിഡ് രോഗബാധ സ്ഥിരീകരിച്ചത്. ഇതാദ്യമായാണ് പ്രതിദിന രോഗബാധ 67,000 ന് അടുത്തെത്തുന്നത്.
ഇതോടെ ഇന്ത്യയിലെ കോവിഡ് രോഗികളുടെ എണ്ണം 24 ലക്ഷത്തിനടുത്തെത്തി. രാജ്യത്ത് ഇതുവരെ 23,96,638 പേര്ക്കാണ് കോവിഡ് സ്ഥിരീകരിച്ചത്. നിലവില് 6,53,622 ആളുകളാണ് കോവിഡ് ബാധിച്ച് രാജ്യത്ത് ചികില്സയിലുള്ളത്.
ഇന്നലെ മാത്രം 942 പേരാണ് വൈറസ് രോഗബാധ മൂലം മരിച്ചത്. ഇതോടെ കോവിഡ് ബാധിച്ച് മരിച്ചവരുടെ എണ്ണം 47,033 ആയി ഉയര്ന്നു. ഇന്ത്യയില് ഇതുവരെ 16,95,982 പേര് കോവിഡ് രോഗമുക്തരായതായും കേന്ദ്ര ആരോഗ്യമന്ത്രാലയം അറിയിച്ചു.
മഹാരാഷ്ട്ര അടക്കമുള്ള സംസ്ഥാനങ്ങളില് രോഗവ്യാപനം അതിരൂക്ഷമായി തുടരുകയാണ്. കോവിഡ് ബാധിതരുടെ എണ്ണം വര്ദ്ധിക്കുന്ന സാഹചര്യത്തില് പരിശോധനകള് വര്ദ്ധിപ്പിക്കണമെന്ന് രോഗബാധ നിരക്ക് കൂടിയ സംസ്ഥാനങ്ങളോട് പ്രധാനമന്ത്രി നിര്ദ്ദേശിച്ചു. ഗുജറാത്ത്, ബീഹാര്, പശ്ചിമബംഗാള്, ഉത്തര്പ്രദേശ്, തെലങ്കാന സംസ്ഥാനങ്ങള്ക്കാണ് കേന്ദ്രസര്ക്കാര് നിര്ദേശം നല്കിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ