സഹാരണ്പൂര് : കനത്ത മഴയെത്തുടര്ന്നുണ്ടായ മിന്നല് പ്രളയത്തില് കാര് ഒഴുകിപ്പോയി. ഉത്തര്പ്രദേശിലെ സഹാരണ്പൂരിലെ ഷാകുംഭാരി ദേവി ക്ഷേത്രത്തിന് സമീപത്തുവെച്ചാണ് സംഭവം.
സഹാരണ്പൂരിലും ഷിവാലിക് ഹില്സിലും സമീപപ്രദേശങ്ങളിലും കഴിഞ്ഞ രണ്ടു ദിവസമായി കനത്ത മഴ തുടരുകയാണ്. ഇതേത്തുടര്ന്ന് സമീപത്തെ പുഴയില് ജലനിരപ്പുയര്ന്ന് കരകവിഞ്ഞതോടെയാണ് മിന്നല് പ്രളയം ഉണ്ടായത്.
ക്ഷേത്രത്തിലേക്ക് വന്ന ഒരു കുടംബത്തിന്റെ കാറാണ് ഒഴുക്കില്പ്പെട്ടത്. ക്ഷേത്ര പരിസരത്ത് പാര്ക്ക് ചെയ്തിരുന്ന കാര് പ്രളയജലത്തിന്റെ ശക്തിയില് കിലോമീറ്ററുകളോളം ഒഴുകിപ്പോകുകയായിരുന്നു. ഇതിന്റെ വീഡിയോ ഇപ്പോള് സമൂഹമാധ്യമങ്ങളില് വൈറലായിരിക്കുകയാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ