ഭാര്യയുടെ കളിയാക്കല്‍ സഹിച്ചില്ല; തൊണ്ടയില്‍ കത്രിക കുത്തിക്കയറ്റി കൊന്നു; പൊലീസ് എത്തിയപ്പോള്‍ കണ്ടത് വീഡിയോ ഗെയിം കളിച്ചിരിക്കുന്ന യുവാവിനെ

ഭാര്യയുടെ കളിയാക്കല്‍ സഹിച്ചില്ല; തൊണ്ടയില്‍ കത്രിക കുത്തിക്കയറ്റി കൊന്നു; പൊലീസ് എത്തിയപ്പോള്‍ കണ്ടത് വീഡിയോ ഗെയിം കളിച്ചിരിക്കുന്ന യുവാവിനെ
ഭാര്യയുടെ കളിയാക്കല്‍ സഹിച്ചില്ല; തൊണ്ടയില്‍ കത്രിക കുത്തിക്കയറ്റി കൊന്നു; പൊലീസ് എത്തിയപ്പോള്‍ കണ്ടത് വീഡിയോ ഗെയിം കളിച്ചിരിക്കുന്ന യുവാവിനെ

ജോധ്പുര്‍: തൊഴിലില്ലായ്മയെ സംബന്ധിച്ച് കളിയാക്കിയതിന്റെ പേരില്‍ ഭാര്യയെ ഭര്‍ത്താവ് കത്രിക ഉപയോഗിച്ച് കുത്തിക്കൊന്നു. സംഭവവുമായി ബന്ധപ്പെട്ട് ഭര്‍ത്താവിനെ പൊലീസ് അറസ്റ്റ് ചെയ്തു. രാജസ്ഥാനിലെ ജോധ്പുരിലാണ് ഞെട്ടിക്കുന്ന സംഭവം. 30കാരിയായ യുവതിയാണ് മരിച്ചത്. വിക്രം സിങ് എന്നയാളാണ് അറസ്റ്റിലായത്. 

കൊലയ്ക്ക് ശേഷം വിക്രം ഇക്കാര്യം പൊലീസില്‍ വിളിച്ച് അറിയിച്ചു. പൊലീസ് സ്ഥലത്തെത്തുമ്പോള്‍ യുവതി ചോരയില്‍ കുളിച്ച് കിടക്കുന്നതാണ് കണ്ടത്. മൃതദേഹത്തിന് സമീപത്തിരുന്ന് വിക്രം വീഡിയോ ഗെയിം കളിക്കുകയായിരുന്നുവെന്നും പൊലീസ് വ്യക്തമാക്കി. 

ഞായറാഴ്ച രാത്രിയാണ് സംഭവം. കോവിഡിനെ തുടര്‍ന്ന് വിക്രമിന് ജോലിയില്ലാതായിട്ട് മാസങ്ങളായി. ഇക്കാര്യം പറഞ്ഞ് ഇരുവരും തമ്മില്‍ നിരന്തരം വഴക്കുണ്ടാകാറുണ്ട്. വാടകയ്ക്ക് നല്‍കിയ വീട്ടില്‍ നിന്ന് ലഭിക്കുന്ന മാസ വാടക മാത്രമാണ് കുറച്ച് മാസമായുള്ള ഇവരുടെ ആകെയുള്ള വരുമാനം. 

ഇത് സംബന്ധിച്ച് ഞായറാഴ്ച രാത്രി ദമ്പതികള്‍ തമ്മില്‍ തര്‍ക്കമുണ്ടായി. അതിനിടെ ഭാര്യ കളിയാക്കിയതില്‍ പ്രകോപിതനായി വിക്രം കത്രിക ഉപയോഗിച്ച് യുവതിയെ കുത്തുകയായിരുന്നു. കഴുത്തിലടക്കം കത്രിക കുത്തിയിറക്കിയാണ് യുവാവ് കൊല നടത്തിയത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com