ന്യൂഡല്‍ഹി: കോര്‍പ്പറേറ്റുകള്‍ക്കെതിരെ പ്രത്യക്ഷസമരത്തിനൊരുങ്ങി കര്‍ഷകര്‍. റിലയന്‍സ് ഉത്പന്നങ്ങള്‍ ബഹിഷ്‌കരിക്കുമെന്ന് കര്‍ഷകനേതാക്കള്‍ അറിയിച്ചു. കേന്ദ്രസര്‍ക്കാര്‍ മുന്നോട്ടുവച്ച അഞ്ചിന നിര്‍ദേശങ്ങള്‍ തള്ളിയ ശേഷം മാധ്യമങ്ങളോട് സംസാരിക്കുകയായിരുന്നു കര്‍ഷക നേതാക്കാള്‍.
വരും ദിവസങ്ങളില്‍ സമരം ശക്തമാക്കാനാണ് കര്‍ഷകസംഘടനകളുടെ തീരുമാനം. സംസ്ഥാന ജില്ലാ കേന്ദ്രങ്ങളില്‍ തിങ്കളാഴ്ച പ്രതിഷേധ പ്രകടനങ്ങള്‍ നടത്താനും കര്‍ഷകസംഘടനകള്‍ ആഹ്വാനം ചെയ്തു. കര്‍ഷകനിയമം പിന്‍വലിക്കും സമരം തുടരുമെന്നും നേതാക്കള്‍ അറിയിച്ചു.
ദേശീയ പാതകളിലെ ടോള്‍ പിരിവ് തടയുമെന്ന് ബിജെപി ജനപ്രതിനിധികളെ പൂര്‍ണമായി ബഹിഷ്‌കരിക്കുമെന്നും നേതാക്കള്‍ പറഞ്ഞു. ഡല്‍ഹിയിലേക്കുള്ളപാതകള്‍ പൂര്‍ണമായി ഉപരോധിക്കുമെന്നും രാജ്യത്തെ മുഴുവന്‍ കര്‍ഷകരും ഡല്‍ഹിയിലെത്താനും കര്‍ഷകസംഘടനകള്‍ ആഹ്വാനം ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
