ഹൈദരാബാദ്: ആന്ധ്രാപ്രദേശില് 19കാരിയുടെ മൃതദേഹം ഭാഗികമായി കത്തിക്കരിഞ്ഞ നിലയില് കണ്ടെത്തി. കൊലയ്ക്ക് പിന്നില് കാമുകനെന്ന് യുവതിയുടെ വീട്ടുകാര് ആരോപിച്ചു. പൊലീസ് കേസെടുത്ത് അന്വേഷണം ആരംഭിച്ചു.
ആന്ധ്ര അനന്തപുരത്തിലെ ധര്മ്മവാരത്താണ് മൃതദേഹം കണ്ടെത്തിയത്. ചൊവ്വാഴ്ച മുതല് സ്നേഹലതയെ കാണാനില്ലായിരുന്നു. വീട്ടില് തിരിച്ചെത്താതിരുന്നതിനെ തുടര്ന്ന് വീട്ടുകാരും പൊലീസുകാരും തെരച്ചില് നടത്തുന്നതിനിടെയാണ് കത്തിക്കരിഞ്ഞ നിലയില് 19കാരിയുടെ മൃതദേഹം കണ്ടെത്തിയത്. എസ്ബിഐയുടെ പുറംകരാര് എടുത്ത സ്ഥാപനത്തിലെ ജീവനക്കാരിയാണ് യുവതി.
യുവതിയെ കാണാതായതോടെ, വീട്ടുകാര് പൊലീസില് പരാതി നല്കിയിരുന്നു. തുടര്ന്ന് നടത്തിയ അന്വേഷണത്തിലാണ് മൃതദേഹം കണ്ടെത്തിയത്. കാമുകനാണ് ഇതിന് പിന്നിലെന്ന് വീട്ടുകാര് ആരോപിച്ചു. പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ