അഹമ്മദാബാദ്: ഗുജറാത്തില്‍ സംരക്ഷണ ഭിത്തിയില്ലാത്ത കിണറില്‍ സിംഹം വീണു. വനംവകുപ്പ് ഉദ്യോഗസ്ഥരും നാട്ടുകാരും ചേര്‍ന്ന് സിംഹത്തെ കിണറില്‍ നിന്ന് രക്ഷിച്ചു.
സംരക്ഷണ ഭിത്തിയില്ലാത്ത കിണറുകള്‍ വന്യമൃഗങ്ങള്‍ക്ക് എത്രമാത്രം അപകടകരമാണ് എന്ന് ഒരിക്കല്‍ കൂടി വ്യക്തമാക്കുന്നതാണ് സംഭവം. ഗിര്‍വനത്തോട് ചേര്‍ന്നുള്ള ജനവാസകേന്ദ്രത്തിലെ തുറന്ന് കിടക്കുന്ന കിണറിലാണ് സിംഹം വീണത്.
വിവരം അറിഞ്ഞ് വനംവകുപ്പ് ഉദ്യോഗസ്ഥര്‍ സ്ഥലത്ത് എത്തുകയായിരുന്നു. തുടര്‍ന്ന് നാട്ടുകാരുടെ സഹായത്തോടെ കെട്ടിവലിച്ചാണ് സിംഹത്തെ പുറത്ത് എത്തിച്ചത്. തുടര്‍ന്ന് കൂട്ടിലാക്കിയ സിംഹത്തെ വനത്തില്‍ തുറന്നുവിട്ടു. സുശാന്ത നന്ദ ഐഎഫ്എസ് ട്വറ്റര്‍ ഹാന്‍ഡിലില്‍ വീഡിയോ പങ്കുവെച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
