അമ്മയെ വെട്ടിക്കൊല്ലുന്നത് കണ്ടു, പേടിച്ച് ഓടിയില്ല; മുറി പൂട്ടി കൊലയാളിയെ വലയിലാക്കി, 12 വയസുകാരന്റെ ധീരത

ഉത്തര്‍പ്രദേശില്‍ അമ്മയെ കൊലപ്പെടുത്തിയ കൊലയാളിയെ വലയിലാക്കി 12 വയസുകാരന്‍
പ്രതീകാത്മക ചിത്രം
പ്രതീകാത്മക ചിത്രം

ലക്‌നൗ: ഉത്തര്‍പ്രദേശില്‍ അമ്മയെ കൊലപ്പെടുത്തിയ കൊലയാളിയെ വലയിലാക്കി 12 വയസുകാരന്‍. അമ്മയെ കൊല്ലുന്നതിന് ദൃക്‌സാക്ഷിയായ മകന്‍, കൊലയാളി രക്ഷപ്പെടാതിരിക്കാന്‍ മുറി പുറത്ത് നിന്ന് പൂട്ടി പൊലീസിനെ വിവരം അറിയിക്കുകയായിരുന്നു.

മീററ്റില്‍ ചൊവ്വാഴ്ച രാത്രിയാണ് സംഭവം. വെട്ടുകത്തി ഉപയോഗിച്ചാണ് പ്രതി 12 വയസുകാരന്റെ അമ്മയെ കൊലപ്പെടുത്തിയത്. കുട്ടിയുടെ അച്ഛന്‍ ഡല്‍ഹിയിലാണ് ജോലി ചെയ്യുന്നത്. കാമുകനുമായുള്ള ബന്ധം തുടരുന്നതില്‍ സ്ത്രീ എതിര്‍പ്പ് അറിയിച്ചതാണ്, പ്രകോപനത്തിന് കാരണമെന്ന് പൊലീസ് പറയുന്നു.

12കാരന്‍ നാലു സഹോദരങ്ങളാണ് ഉള്ളത്. രാത്രിയില്‍ അമ്മയെ കൊല്ലുന്നതിന് ദൃക്‌സാക്ഷിയായ 12കാരന്‍ ഓടിരക്ഷപ്പെടുന്നതിന് പകരം മുറി പുറത്ത് നിന്ന് പൂട്ടി പ്രതിയെ വലയിലാക്കുകയായിരുന്നുവെന്ന് പൊലീസ് പറഞ്ഞു. കുട്ടിയുടെ അമ്മയുമായി അടുപ്പത്തിലായിരുന്നു പ്രതി. ബന്ധം തുടര്‍ന്നുപോകുന്നതില്‍ സ്ത്രീ എതിര്‍പ്പ് അറിയിച്ചതാണ് പ്രകോപനത്തിന് കാരണമെന്ന് പൊലീസ് പറയുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com