അവിഹിത ബന്ധമെന്ന് സംശയം; ഭർത്താവിന്റെ ശരീരത്തിൽ തിളച്ച എണ്ണ ഒഴിച്ച ഭാര്യ അറസ്റ്റിൽ 

മുഖത്തും കൈക്കുമടക്കം ​ഗുരുതരമായി പൊള്ളലേറ്റ ഭര്‍ത്താവ് ആശുപത്രിയിൽ ചികിത്സയിലാണ്
അവിഹിത ബന്ധമെന്ന് സംശയം; ഭർത്താവിന്റെ ശരീരത്തിൽ തിളച്ച എണ്ണ ഒഴിച്ച ഭാര്യ അറസ്റ്റിൽ 

ബംഗളൂരു: അവിഹിത ബന്ധം ഉണ്ടെന്നാരോപിച്ച് ഭർത്താവിന്റെ ശരീരത്തിൽ തിളച്ച എണ്ണ ഒഴിച്ച യുവതി അറസ്റ്റിൽ. 23കാരിയായ കർണാടക യശ്വന്ത്പുർ സ്വദേശി പത്മയാണ് അറസ്റ്റിലായത്. മുഖത്തും കൈക്കുമടക്കം ​ഗുരുതരമായി പൊള്ളലേറ്റ ഭര്‍ത്താവ് മഞ്ജുനാഥ് ആശുപത്രിയിൽ ചികിത്സയിലാണ്. ഇയാളുടെ നില തൃപ്തികരമാണെന്നാണ് ആശുപത്രി അധികൃതർ അറിയിച്ചു. 

ഒൻപത് വർഷം മുൻപായിരുന്നു മഞ്ജുനാഥിന്റെയും പത്മയുടെയും വിവാഹം. സ്വകാര്യ കമ്പനി ജീവനക്കാരനായ മഞ്ജുനാഥ് ഇടക്ക് സം​ഗീതപരിപാടികൾക്കും പോകുമായിരുന്നു. എന്നാൽ ഇയാൾക്ക് അവിഹിത ബന്ധമുണ്ടെന്നാണ് ഭാര്യയുടെ ആരോപണം. പലപ്പോഴും ഇക്കാര്യത്തിൽ ഇവർക്കിടയിൽ തർക്കങ്ങൾ പതിവായിരുന്നു. ഇക്കഴിഞ്ഞ ശനിയാഴ്ചയും ഇരുവർക്കുമിടയിൽ വാക്കേറ്റമുണ്ടായി. അടുത്ത ദിവസം രാവിലെയാണ് പത്മ മഞ്ജുനാഥിനെ ആക്രമിച്ചത്. ഉറങ്ങിക്കിടക്കുകയായിരുന്നു മഞ്ജുനാഥിന്റെ ശരീരത്തിലേക്ക് തിളപ്പിച്ച എണ്ണ ഒഴിക്കുകയായിരുന്നു.

എണ്ണ ഒഴിച്ചശേഷം മകനെയും കൊണ്ട് വീട്ടിൽ നിന്ന് ഓടി രക്ഷപെടുകയായിരുന്നു പത്മ. ഇവരുടെ മകൾ അടുത്ത മുറിയിൽ കിടന്നുറങ്ങുകയായിരുന്നു. പൊള്ളലേറ്റ് അലറിവിളിച്ച മഞ്ജുനാഥിനെ അയല്‍വാസികൾ ചേർന്നാണ് ആശുപത്രിയിലെത്തിച്ചത്. മുഖത്തും തോളിനും കൈകൾക്കുമാണ് പൊള്ളലേറ്റത്. പൊലീസ് അറസ്റ്റ് ചെയ്ത പത്മ ഇപ്പോൾ ജുഡീഷ്യൽ കസ്റ്റഡിയിൽ റിമാൻഡിലാണ്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com