അബുദാബി; യുഎഇയില്‍ നിരീക്ഷണത്തിലുണ്ടായിരുന്ന ഒരാള്‍ക്കു കൂടി കൊറോണ വൈറസ് ബാധ സ്ഥിരീകരിച്ചു. ഇന്ത്യക്കാരനാണ് രോഗം സ്ഥിരീകരികരിച്ചിരിക്കുന്നത്. യുഎഇ ആരോഗ്യവകുപ്പാണ് ഇക്കാര്യം പുറത്തുവിട്ടത്. ഇതോടെ യുഎഇയിലെ കൊറോണ ബാധിതരുടെ എണ്ണം എട്ടായി.
കൊറോണ ബാധിതരുമായി സമ്പര്‍ക്കം പുലര്‍ത്തിയ ഇന്ത്യക്കാരനാണ് രോഗം സ്ഥിരീകരിച്ചിരിക്കുന്നത്. ഇയാള്‍ നേരത്തെ തന്നെ നിരീക്ഷണത്തിലായതിനാല്‍ ആശങ്കപ്പെടേണ്ടതില്ലെന്ന് ആരോഗ്യ വകുപ്പ് വ്യക്തമാക്കി. രോഗബാധിതയായ സ്ത്രീ സുഖം പ്രാപിച്ച വാര്‍ത്തകളും യുഎഇയില്‍ നിന്നു വരുന്നുണ്ട്.
അതിനിടെ ലോകത്തെ ആശങ്കയിലാക്കിക്കൊണ്ട് ചൈനയില്‍ മരണനിരക്ക് ഉയരുകയാണ്. ഇന്നലെ 103 പേര്‍ മരിച്ചതോടെ മരണ സംഖ്യ 1016 ആയി. 42300 പേര്‍ക്കാണ് ചൈനയില്‍ കൊറോണ സ്ഥിരീകരിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
