ന്യൂഡൽഹി: ലക്ഷക്കണക്കിന് രൂപയുടെ വിദേശ കറൻസി കടത്താനുള്ള ശ്രമം കണ്ട് അമ്പരന്ന് സിഐഎസ്എഫ് ഉദ്യോഗസ്ഥർ. തോട് പൊളിക്കാത്ത നിലക്കടല, ബിസ്ക്കറ്റ് പാക്കറ്റുകൾ മറ്റ് ഭക്ഷണ പദാർത്ഥങ്ങൾ എന്നിവയിലെല്ലാം ഒളിപ്പിച്ച് കടത്താനാണ് ശ്രമം നടന്നത്. ഇത്തരത്തിൽ കടത്താൻ ശ്രമിച്ച 45 ലക്ഷം രൂപയുടെ വിദേശ കറൻസി ഡൽഹി ഇന്ദിരാ ഗാന്ധി വിമാനത്താവളത്തിൽ സിഐഎസ്എഫ് ഉദ്യോഗസ്ഥർ കണ്ടെടുത്തു.
ബാഗ് പരിശോധനക്കിടയിലാണ് തോടോടു കൂടിയ നിലക്കടല അടങ്ങിയ ബാഗ് സിഐഎസ്എഫ് ഉദ്യോഗസ്ഥര്‍ ശ്രദ്ധിക്കുന്നത്. ഉദ്യോഗസ്ഥരില്‍ ചിലര്‍ കടലയുടെ തോട് പൊളിച്ച് നോക്കിയപ്പോഴാണ് ലക്ഷക്കണക്കിന് രൂപയുടെ വിദേശ കറന്‍സി കണ്ടെത്തിയത്.
വളരെ സൂക്ഷ്മമായ നിലയില്‍ ചുരുട്ടിയ നിലയിലായിരുന്നു കറന്‍സി വച്ചിരുന്നത്. നോട്ടുകള്‍ ചുരുട്ടിയ ശേഷം ചരട് കെട്ടിയ നിലയിലായിരുന്നു. സംഭവത്തിൽ അന്വേഷണം പുരോഗമിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
