ന്യൂഡല്‍ഹി: രാജധാനി എക്‌സ്പ്രസില്‍ ബോംബ് ഭീഷണി. ഇതേതുടര്‍ന്ന് ദീബ്രുഗുഡ് -ഡല്‍ഹി രാജധാനി എക്സ്പ്രസ് ദാദ്രിയില്‍ നിര്‍ത്തിയിട്ടിരിക്കുന്നു. ബോംബ് സ്‌ക്വാഡ് ട്രെയിനില്‍ പരിശോധന നടത്തുകയാണ് . യാത്രക്കാരെ മുഴുവന്‍ ഒഴിപ്പിച്ചാണ് പരിശോധന.
ട്രെയിനില്‍ ബോംബ് വെച്ചിട്ടുണ്ടെന്ന് യാത്രക്കാന്‍ ട്വീറ്റ് ചെയ്തതിനെ തുടര്‍ന്നാണ് ട്രെയിന്‍ നിര്‍ത്തിയിട്ടത്. വാര്‍ത്ത പുറത്തുവന്നതിന് പിന്നാലെ തീവണ്ടിയിലെ യാത്രക്കാര്‍ ഭീതിയിലാണ്. പരിശോധനയക്ക് ശേഷം യാത്ര ഉടനെ ആരംഭിച്ചേക്കുമെന്നാണ് യാത്രക്കാര്‍ പറയുന്നത്.
എന്നാല്‍ ഇത് സംബന്ധിച്ച് റെയില്‍വെ ഔദ്യോഗികമായി സ്ഥിരീകരിച്ചിട്ടില്ല. നിരവധി ആര്‍പിഎഫ് ഉദ്യോഗസ്ഥരാണ് പരിശോധന നടത്തുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
