അഹമ്മദാബാദ്: നമ്പര്‍ പ്ലേറ്റും മതിയായ രേഖകളുമില്ലാതെ വാഹനം ഓടിച്ച യുവാവിന് 27.68 ലക്ഷം രൂപ പിഴ. രാജ്യത്ത് നിയമം ലംഘിച്ച് വാഹനം ഓടിച്ചതിന് ഇത്രയും ഭീമമായ പിഴ ചുമത്തുന്നത് ഇതാദ്യമായാണ്.
അഹമ്മദാബാദിലാണ് സംഭവം.നവംബര്‍ മാസമാണ് പോര്‍ഷെ കാറുമായി രഞ്ജിത് ദേശായി നഗരത്തിലേക്കിറങ്ങിയത്. പതിവ് വാഹന പരിശോധനക്കിടെ, നമ്പര്‍ പ്ലേറ്റില്ലാത്ത ആഡംബര കാര്‍ ഉദ്യോഗസ്ഥരുടെ ശ്രദ്ധയില്‍പ്പെടുകയായിരുന്നു. തുടര്‍ന്ന് രേഖകള്‍ ആവശ്യപ്പെട്ടപ്പോള്‍, ഇതുസംബന്ധിച്ച് കൃത്യമായ മറുപടിയും ഡ്രൈവര്‍ നല്‍കിയില്ല. ഇതോടെ ഒന്‍പത് ലക്ഷം രൂപ പിഴയടച്ച ശേഷം പോര്‍ഷെ 911 സ്‌പോര്‍ട്‌സ് കാര്‍ പൊലീസ് സ്‌റ്റേഷനില്‍ നിന്ന് കൊണ്ടുപോകാമെന്ന് ഉദ്യോഗസ്ഥര്‍ നിര്‍ദ്ദേശം നല്‍കി.
പിഴ ഒടുക്കുന്നതിനായി ആര്‍ടിഒ ഓഫീസില്‍ യുവാവ് എത്തി. പക്ഷേ പഴയ രേഖകളാണ് ഹാജരാക്കിയത്. തുടര്‍ന്ന് പിഴ തുക 27.68 ലക്ഷമായി ഉയര്‍ത്തുകയായിരുന്നു.പിഴയടച്ച് ഉടമ വാഹനം കൊണ്ടുപോവുകയും ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
