ഫ്രഞ്ച് ഗയാന; ഈ വർഷത്തെ ആദ്യ വിക്ഷേപണം വിജയകരമാക്കി ഐഎസ്ആർഒ. ഇന്ത്യയുടെ ആശയവിനിമയ ഉപഗ്രഹമായ ജിസാറ്റ് 30 വിജയകരമായി വിക്ഷേപിച്ചു. വെള്ളിയാഴ്ച പുലര്ച്ചെ 2.35 ന് ഫ്രഞ്ച് ഗയാനയിൽ നിന്നാണ് ഉപഗ്രഹം വിക്ഷേപിച്ചത്. ഉയര്ന്ന് പൊങ്ങി 38ാം മിനിറ്റില് ജിയോസിന്ക്രണൈസ് ഓര്ബിറ്റിൽ ഉപഗ്രഹത്തെ സ്ഥാപിക്കാന് സാധിച്ചു.
യൂറോപ്യൻ വിക്ഷേപണവാഹനമായ അരിയാനെ അഞ്ചാണ് 3,357 കിലോഗ്രാം ഭാരമുള്ള ഉപഗ്രഹത്തെ ബഹിരാകാശത്തിൽ എത്തിച്ചത്.2005 ഡിസംബറിൽ വിക്ഷേപിച്ച ഇൻസാറ്റ് - 4 എ ഉപഗ്രഹത്തിന് പകരമായാണ് ജിസാറ്റ് 30 വിക്ഷേപിക്കുന്നത്. ഡിടിഎച്ച് , ടെലിവിഷൻ ബ്രോഡ്കാസ്റ്റ് അപ്ലിംങ്കിംഗ്, ഡിഎസ്എൻജി, ഇന്റർനെറ്റ് സേവനങ്ങൾ ലക്ഷ്യമിട്ടാണ് ജിസാറ്റ് 30 വിക്ഷേപണം.
ഉപഗ്രഹത്തിന് 15 വര്ഷം ആയുസുണ്ടാകുമെന്ന് ഐഎസ്ആര്ഒയുടെ വിലയിരുത്തൽ. അരിയാനെ റോക്കറ്റിൽ വിക്ഷേപിക്കുന്ന 24-ാം ഇന്ത്യൻ ഉപഗ്രഹമാണ് ജിസാറ്റ് 30.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ