മുംബൈ: മഹാരാഷ്ട്രയിലെ ഭണ്ടാരാ ജില്ലയിലാണ് സംഭവം നടന്നത്. ബിനാകി ഗ്രാമത്തില് ശനിയാഴ്ച ഉച്ചയോടെയാണ് കടുവയിറങ്ങിയത്. പുംസാര്–ബപേര ദേശീയപാതയില് കടുവയെ കണ്ടെത്തിയെന്ന് പറഞ്ഞ് വനംവകുപ്പ് അധികൃതര്ക്ക് ഫോണ് സന്ദേശമെത്തിയിരുന്നു.
ദേശീയപാതയില് കടുവയെ കണ്ടതിനെ തുടര്ന്ന് ചുറ്റും ആളുകള് തടിച്ചുകൂടി. ആളുകളോട് കൂട്ടം കൂടി നില്ക്കരുതെന്നും കടുവയെ പ്രകോപിപ്പിക്കരുതെന്നും നിര്ദ്ദേശം നല്കിയിരുന്നെങ്കിലും ഇതൊന്നും ആരും ചെവിക്കൊണ്ടില്ല. കടുവയുടെ പിന്നാലെ നൂറുകണക്കിനാളുകള് ഓടുന്നുണ്ടായിരുന്നു. ഇവരില് 3 പേരാണ് ആക്രമണത്തിന് ഇരയായത്. ഇതിലൊരാളാണ് കടുവയുടെ പിടിയിലകപ്പെട്ടത്. ഗ്രാമവാസികള് ഓടിയെത്തുന്നത് കണ്ട് കടുവ ഇയാളെ ഉപേക്ഷിച്ച് മടങ്ങുകയായിരുന്നു.
കടുവയുടെ പിടിയിലകപ്പെട്ട ഇയാളുടെ പരിക്കുകള് ഗുരുതരമല്ല. കടുവയെ മയക്കുവെടി വച്ച് വീഴ്ത്താന് ശ്രമങ്ങള് തുടരുകയാണെന്ന് സംഭവസ്ഥലത്തെത്തിയ വനംവകുപ്പ് അധികൃതര് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ