ന്യൂഡല്ഹി: പ്രധാനമന്ത്രി നരേന്ദ്ര മോദിക്ക് ഭരണഘടന അയച്ചുകൊടുത്തിട്ട് സ്വീകരിച്ചില്ലെന്ന് കോണ്ഗ്രസ്. റിപ്പബ്ലിക് ദിനവുമായി ബന്ധപ്പെട്ടാണ് കോണ്ഗ്രസ് ഭരണഘടന അയച്ചുകൊടുത്തത്. ആമസോണ് വഴിയാണ് ഭരണഘടന അയച്ചുകൊടുത്തത്.
പ്രധാനമന്ത്രിയുടെ സെന്ട്രല് സെക്രട്ടറിയേറ്റ് ഇ ബ്ലോക്ക് അഡ്രസിലേക്കാണ് കോണ്ഗ്രസ് ഭരണഘടന അയച്ചുകൊടുത്തത്. അഡ്രസിലുള്ളവര് സ്വീകരിച്ചില്ലെന്ന് വ്യക്തമാക്കി ആമസോണ് ഭരണഘടന കോണ്ഗ്രസിന് തന്നെ തിരിച്ചുനല്കി.
'പ്രിയപ്പെട്ട ഇന്ത്യക്കാരെ, ഞങ്ങള് ശ്രമിച്ചു. പക്ഷേ മോദിജിക്ക് നമ്മുടെ ഭരണഘടനയോട് താത്പര്യമില്ല. എന്ന് കോണ്ഗ്രസ് ട്വിറ്ററില് കുറിച്ചു.
രാജ്യത്തെ വിഭജിക്കുന്നതിനിടെ സമയം കിട്ടുമ്പോള് ഭരണഘടന വായിച്ചുപഠിക്കണമെന്ന് ആവശ്യപ്പെട്ടാണ് കോണ്ഗ്രസ് മോദിക്ക് ഭരണഘടന അയച്ചുകൊടുത്തത്.
'
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ