ന്യൂഡൽഹി:എന്ജിനീയറിങ് സര്വീസസ്, ജിയോ-സയന്റിസ്റ്റ് മെയിന് പരീക്ഷകളുടെ പുതുക്കിയ തീയതികള് യൂണിയന് പബ്ലിക് സര്വീസ് കമ്മീഷന് പ്രഖ്യാപിച്ചു. എന്ജിനീയറിങ് സര്വീസസ് പരീക്ഷ ഒക്ടോബര് 18-നും ജിയോ-സയന്റിസ്റ്റ് പരീക്ഷ ഒക്ടോബര് 17, 18 തീയതികളിലും നടത്താനാണ് തീരുമാനം.
നേരത്തെ ഈ പരീക്ഷകള് ജൂണ് 27, 28 തീയതികളില് നടത്താനായിരുന്നു കമ്മീഷന് നിശ്ചയിച്ചിരുന്നത്. കോവിഡ് വ്യാപനത്തിന്റെ പശ്ചാത്തലത്തില് മാറ്റിവെക്കുകയായിരുന്നു.
ജൂലായ് 22-ന് നടത്താനിരുന്ന കംബൈന്ഡ് മെഡിക്കല് സര്വീസസ് പരീക്ഷ ഒക്ടോബര് 22-ന് നടക്കും. ഇത്തവണത്തെ എന്ഡി.എ & നേവല് പരീക്ഷ സെപ്റ്റംബര് 6-ന് നടക്കും. മാറ്റിവെച്ച സിവില് സര്വീസ് അഭിമുഖം തിങ്കളാഴ്ച ( ജൂലൈ 20 ന് ) പുനരാരംഭിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ