ന്യൂഡല്ഹി: കോവിഡ് ബാധിതരായ രോഗികളെ സന്തോഷിപ്പിക്കാന് നൃത്തം ചെയ്ത് ഡോക്ടര്മാര്. വൈറസ് ബാധ സ്ഥിരീകരിച്ചതിനെത്തുടര്ന്ന് ആശുപത്രി ദിനങ്ങള് നീരാശയോടെ തള്ളിനീക്കുന്ന ആളുകളെ സന്തോഷിപ്പിക്കാനായിരുന്നു ഡോക്ടര്മാരുടെ ശ്രമം. രോഗികളുമൊത്ത് ഇവര് നൃത്തം ചെയ്യുന്നതിന്റെ വിഡിയോ ഇതിനോടകം സമൂഹമാധ്യമങ്ങളില് വൈറലായിക്കഴിഞ്ഞു.
ഡല്ഹി അക്ഷര്ദാമിലുള്ള കോവിഡ് കെയര് സെന്ററിലാണ് ഡോക്ടര്മാര് ചികിത്സയിലുള്ള ആളുകള്ക്കൊപ്പം നൃത്തം ചെയ്തത്. മണിക്കൂറുകളോളം ജോലി ചെയ്ത ക്ഷീണം വകവയ്ക്കാതെ രോഗികള്ക്കായുള്ള ഈ കരുതല് ആളുകള് ഏറ്റെടുത്തിരിക്കുകയാണ്. നിരവധിപ്പേരാണ് വിഡിയോ ഷെയര് ചെയ്തും കമന്റുകള് കുറിച്ചും സ്നേഹമറിയിക്കുന്നത്.
ഇതിനുമുമ്പും രോഗികളെ സന്തോഷിപ്പിക്കാനായി ഡോക്ടര്മാര് രംഗത്തെത്തിയത് ശ്രദ്ധനേടിയിട്ടുണ്ട്. പിപിഇ കിറ്റ് ധരിച്ചുള്ള ഡോക്ടറുടെ നൃത്തമടക്കം ഇത്തരത്തില് പുറത്തുവന്നിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ