ചെന്നൈ: ഓണ്ലൈന് ഗെയിമില് പണം നഷ്ടപ്പെട്ടതിന്റെ നിരാശയില് കോളജ് വിദ്യാര്ഥി ആത്മഹത്യ ചെയ്തു. ചെന്നൈയിലാണ് സംഭവം. നഗരത്തിലെ സ്വകാര്യ കോളജിലെ മൂന്നാം വര്ഷ വിദ്യാര്ഥിയായ ഡിബി സത്രം നിതിഷ്കുമാര് (20) ആണ് ജീവനൊടുക്കിയത്.
കോവിഡ് പശ്ചാത്തലത്തില് കോളജ് അവധിയായതിനാല് ചെന്നൈ അമൈന്തക്കരയില് സ്വകാര്യ സ്ഥാപനത്തില് ജോലിക്ക് പോയിരുന്നു. വീട്ടില് തിരിച്ചെത്താത്തതിനെ തുടര്ന്ന് കുടുംബാംഗങ്ങള് അന്വേഷിച്ചപ്പോഴാണ് കടക്കകത്ത് തൂങ്ങി മരിച്ച നിലയില് കണ്ടെത്തിയത്.
ഓണ്ലൈന് ഗെയിമുകളില് പണം നഷ്ടപ്പെട്ടുവെന്ന് ആത്മഹത്യാ കുറിപ്പില് പറയുന്നു. പണം വീണ്ടെുക്കാമെന്ന ലക്ഷ്യത്തോടെ ജോലി ചെയ്യുന്ന സ്ഥാപനത്തിലെ പണമെടുത്തും കളിച്ചു. എന്നാല്, അതും നഷ്ടപ്പെട്ടു. അമൈന്തക്കര പൊലീസ് കേസെടുത്തു. മൃതദേഹം കീഴ്പാക്കം ഗവ. ആശുപത്രിയില് പോസ്റ്റുമോര്ട്ടം ചെയ്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ