ന്യൂഡല്ഹി: രാജ്യത്ത് കോവിഡ് പരിശോധനയില് ഗണ്യമായ വര്ധന. രണ്ടുദിവസമായി പത്തുലക്ഷത്തിലധികം കോവിഡ് പരിശോധനകളാണ് രാജ്യത്ത് നടന്നതെന്ന് കേന്ദ്രസര്ക്കാര് വ്യക്തമാക്കി. കോവിഡ് പ്രതിരോധ പ്രവര്ത്തനങ്ങളുടെ ഭാഗമായി പരിശോധനകളുടെ എണ്ണം വര്ധിപ്പിക്കുമെന്ന് കേന്ദ്രസര്ക്കാര് മുന്പ് വ്യക്തമാക്കിയിട്ടുണ്ട്.
പ്രതിദിനം അഞ്ചുലക്ഷം പേരില് പരിശോധന നടത്തുന്ന സ്ഥിതിയാണ് ഉണ്ടായിരിക്കുന്നത്. 26ന് 5,15,000 സാമ്പിളുകളാണ് പരിശോധനയ്ക്ക് അയച്ചത്. ഇന്നലെ ഇത് 5,28,000 ആയി ഉയര്ന്നതായി സര്ക്കാര് കണക്കുകള് വ്യക്തമാക്കുന്നു.
പ്രതിദിനം പത്തുലക്ഷം പേര്ക്ക് പരിശോധന നടത്തുകയാണ് ലക്ഷ്യമെന്ന് പ്രധാനമന്ത്രി നരേന്ദ്രമോദി കഴിഞ്ഞ ദിവസം വ്യക്തമാക്കിയിട്ടുണ്ട്. പരിശോധനകളുടെ എണ്ണം വര്ധിപ്പിച്ച് ലക്ഷ്യം കൈവരിക്കാനാണ് ശ്രമം നടക്കുന്നത്. വീഡിയോ കോണ്ഫറന്സ് വഴി മൂന്ന് പരിശോധന കേന്ദ്രങ്ങളുടെ ഉദ്ഘാടനം നിര്വഹിച്ച് സംസാരിക്കുകയായിരുന്നു പ്രധാനമന്ത്രി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ