വെട്ടുകിളികള്‍ ഡല്‍ഹിയിലും എത്തി, നഗരവാസികള്‍ ആശങ്കയില്‍ ( വീഡിയോ)

കോവിഡ് വ്യാപനത്തില്‍ വിറങ്ങലിച്ച് നില്‍ക്കുന്ന ഡല്‍ഹിയെ ആശങ്കയിലാഴ്ത്തി വെട്ടുകിളി ശല്യം
വെട്ടുകിളികള്‍ ഡല്‍ഹിയിലും എത്തി, നഗരവാസികള്‍ ആശങ്കയില്‍ ( വീഡിയോ)

ന്യൂഡല്‍ഹി: കോവിഡ് വ്യാപനത്തില്‍ വിറങ്ങലിച്ച് നില്‍ക്കുന്ന ഡല്‍ഹിയെ ആശങ്കയിലാഴ്ത്തി വെട്ടുകിളി ശല്യം. ഡല്‍ഹിക്ക് സമീപമുളള ഗുരുഗ്രാമില്‍ വെട്ടുകിളികള്‍ കൂട്ടമായി പറന്നു നടക്കുന്നതിന്റെ ദൃശ്യങ്ങള്‍ പുറത്തുവന്നു.  കാര്‍ഷിക വിളകളാണ് ഇത് തിന്നു നശിപ്പിക്കുക. എന്നാല്‍ കൂട്ടമായി ഇവ നഗരത്തില്‍ എത്തുന്നത് നഗരവാസികളെ ഭീതിയിലാഴ്ത്തിയിട്ടുണ്ട്.

കഴിഞ്ഞ കുറെ ആഴ്ചകളായി രാജ്യത്തെ കര്‍ഷകര്‍ വെട്ടുകിളികളുടെ ഭീഷണി നേരിടുകയാണ്. കാര്‍ഷിക വിളകള്‍ തിന്നു നശിപ്പിക്കുന്നതിനാല്‍ കര്‍ഷകര്‍ക്ക് വലിയ തോതിലുളള നഷ്ടമാണ് നേരിടുന്നത്. നഷ്ടപരിഹാരം വേണമെന്ന് ആവശ്യപ്പെട്ട് കര്‍ഷകര്‍ പ്രതിഷേധത്തിലാണ്.

ഡല്‍ഹിയില്‍ ദിനംപ്രതിയെന്നോണം കോവിഡ് കേസുകള്‍ വര്‍ധിച്ചുവരികയാണ്. കോവിഡ് കേസുകള്‍ 80000ലേക്ക് അടുക്കുകയാണ്. ഇന്നലെ മാത്രം 3460 പേര്‍ക്കാണ് കോവിഡ് സ്ഥിരീകരിച്ചത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com