ന്യൂഡൽഹി: മുൻ ചീഫ് ജസ്റ്റിസ് രഞ്ജൻ ഗോഗോയിക്കെതിരെ ആഞ്ഞടിച്ച് സുപ്രീംകോടതി മുൻ ജഡ്ജി മാർക്കണ്ഡേയ കട്ജു. ഇത്രയും ലൈംഗിക വൈകൃതമുള്ള നാണംകെട്ട അധപതിച്ച മറ്റൊരു ജഡ്ജിയെ തന്റെ ജീവിതത്തിൽ കണ്ടിട്ടില്ലെന്നാണ് ഗോഗോയിയെ കുറിച്ച് കട്ജു ഫെയ്സ് ബുക്കിൽ കുറിച്ചു.
‘‘20 വർഷം അഭിഭാഷകനും അതിനുശേഷമുള്ള 20 വർഷം ഞാൻ ജഡ്ജിയുമായിരുന്നു. നല്ലതും മോശവുമായ ഒരുപാട് ജഡ്ജിമാരെ എനിക്കറിയാം. പക്ഷേ ഇന്ത്യൻ ജുഡീഷ്യറിയിൽ ഇത്രയും നാണംകെട്ടതും അധപതിച്ചതും ലൈംഗിക വൈകൃതമുള്ളതുമായ മറ്റൊരു ജഡ്ജിയെ ഞാൻ കണ്ടിട്ടില്ല’’. കട്ജുവിന്റെ കുറിപ്പിൽ പറയുന്നു.
തെമ്മാടിയും ആഭാസനുമായ ഈ മനുഷ്യൻ ഇപ്പോൾ ഇന്ത്യൻ പാർലമെന്റിലേക്ക് പേകുന്നുവെന്ന പരിഹാസവും കട്ജു പങ്കുവെച്ചു. രഞ്ജൻ ഗോഗോയിയുടെ രാജ്യസഭ പ്രവേശനത്തിൽ എതിർപ്പുമായി ജസ്റ്റിസ് കുര്യൻ ജോസഫ്, ജസ്റ്റിസ് മദന്‍ ബി ലോക്കൂർ എന്നിവരും രംഗത്തെത്തിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
