ന്യൂഡല്ഹി: കൊറോണ വൈറസ് പടര്ന്ന് പിടിക്കുന്നത് തടയുന്നതിന്റെ ഭാഗമായി കടുത്ത നടപടിയുമായി കേന്ദ്രസര്ക്കാര്. പ്രതിരോധപ്രവര്ത്തനങ്ങളുടെ ഭാഗമായി കേന്ദ്രസര്ക്കാര് ജീവനക്കാരുടെ ജോലിക്രമത്തില് മാറ്റം വരുത്തി.
ഗ്രൂപ്പ് ബി, സി വിഭാഗത്തില് ജോലി ചെയ്യുന്ന ജീവനക്കാരില് 50 ശതമാനം പേര് എല്ലാദിവസവും ഓഫീസില് എത്തണം. പകുതി ജീവനക്കാര് വീടുകളില് ഇരുന്ന് ജോലി ചെയ്താല് മതിയെന്നാണ് കേന്ദ്രസര്ക്കാര് നിര്ദേശം. ജീവനക്കാരുടെ സമയക്രമത്തില് മാറ്റം വരുത്തുമെന്നും കേന്ദ്രസര്ക്കാര് വ്യക്തമാക്കി.
രോഗവ്യാപനം തടയുന്നതിന് സംസ്ഥാനങ്ങള് കടുത്ത നിയന്ത്രണങ്ങള് ഏര്പ്പെടുത്തി വരികയാണ്. ഇതൊടൊപ്പമാണ് കേന്ദ്രസര്ക്കാരും കടുത്ത നടപടികളിലേക്ക് കടന്നത്. രാജ്യത്ത് 166 പേരിലാണ് കോവിഡ് 19 സ്ഥിരീകരിച്ചത്. പുതുതായി 18 കേസുകളാണ് റിപ്പോര്ട്ട് ചെയ്തിരിക്കുന്നത്. മഹാരാഷ്ട്രയിലാണ് ഏറ്റവുമധികം പേര്ക്ക് രോഗം ബാധിച്ചത്. 47പേരാണ് രോഗബാധയെ തുടര്ന്ന് ചികിത്സയില് കഴിയുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ