ന്യൂഡൽഹി: കോവിഡ് 19 രോഗബാധ സംശയിച്ച് നിരീക്ഷണത്തിലായിരുന്ന യുവാവ് ആത്മഹത്യ ചെയ്തു. ഡൽഹിയിലെ സഫ്ദർജംഗ് ആശുപത്രിയിലാണ് സംഭവം. ആശുപത്രിയുടെ മുകളിൽ നിന്ന് ചാടിയാണ് ആത്മഹത്യ ചെയ്തത്. തൻവീർ സിംഗ്(35) എന്ന യുവാവാണ് മരിച്ചത്.
ഓസ്ട്രേലിയയിലെ സിഡ്നിയിൽ നിന്ന് എത്തിയ തൻവീറിനെ പരിശോധിച്ചപ്പോൾ വൈറസ് ബാധ സംശയിച്ചിരുന്നു. ഇതേതുടർന്ന് ഇയാളെ ഐസൊലേഷനിലാക്കി. ഇന്നലെ രാത്രി ഒന്‍പത് മണിക്കാണ് ആശുപത്രിയിൽ പ്രവേശിപ്പിച്ചത്. ഇയാളുടെ സാമ്പിളുകള്‍ ശേഖരിച്ച് പരിശോധനയ്ക്ക് അയച്ചിരുന്നു.
ഐസൊലേഷന്‍ വാർഡിൽ പ്രവേശിക്കാൻ തൻവീർ വിമുഖത കാണിച്ചിരുന്നെന്ന് ആശുപത്രി അധികൃതർ പറഞ്ഞു. പഞ്ചാബ് സ്വദേശിയാണ് യുവാവ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
