രാജ്യത്ത് മാര്‍ച്ച് 31 വരെ ട്രെയിന്‍ സര്‍വീസ് നിര്‍ത്തി റെയില്‍വേ 

മാര്‍ച്ച് 31 വരെ രാജ്യത്ത് യാത്ര തീവണ്ടികളുടെ സര്‍വീസ് നിര്‍ത്തിവെച്ച് റെയില്‍വേയുടെ പ്രഖ്യാപനം
രാജ്യത്ത് മാര്‍ച്ച് 31 വരെ ട്രെയിന്‍ സര്‍വീസ് നിര്‍ത്തി റെയില്‍വേ 

ന്യൂഡല്‍ഹി: മാര്‍ച്ച് 31 വരെ രാജ്യത്ത് യാത്ര തീവണ്ടികളുടെ സര്‍വീസ് നിര്‍ത്തിവെച്ച് റെയില്‍വേയുടെ പ്രഖ്യാപനം. കൊറോണ വൈറസ് വ്യാപനം തടയുന്നതിന്റെ ഭാഗമായാണ് നടപടി.

മെയില്‍, എക്‌സ്പ്രസ്, പാസഞ്ചര്‍ അടക്കം എല്ലാം ട്രെയിന്‍ സര്‍വീസുകളും ഇന്നുമുതല്‍ നിര്‍ത്തിവെയ്ക്കാനാണ് റെയില്‍വേ തീരുമാനിച്ചത്. നിലവില്‍ തന്നെ യാത്ര തീവണ്ടികളുടെ സര്‍വീസ് റെയില്‍വേ നിര്‍ത്തിവരികയാണ്. ഇതിന് പിന്നാലെയാണ് പൂര്‍ണമായി നിര്‍ത്തിവെയ്ക്കാനുളള തീരുമാനം. യാത്ര ആരംഭിച്ച ദീര്‍ഘദൂര ട്രെയിനുകള്‍ക്ക് അത് പൂര്‍ത്തിയാക്കാന്‍ അനുവദിക്കുമെന്നും റെയില്‍വേ അറിയിച്ചു.

കൊങ്കണ്‍ റെയില്‍വെ, കൊല്‍ക്കത്ത മെട്രോ, സബര്‍ബന്‍ ട്രെയിനുകളും ഇന്നുമുതല്‍ സര്‍വീസ് നിര്‍ത്തും.ചരക്ക് തീവണ്ടികള്‍ പതിവുപോലെ ഓടും. ട്രെയിനുകള്‍ റദ്ദാക്കുന്ന പശ്ചാത്തലത്തില്‍ യാത്രക്കാര്‍ക്ക് ടിക്കറ്റ് റദ്ദാക്കുമ്പോള്‍ മുഴുവന്‍ തുകയും റീഫണ്ടായി ലഭിക്കും.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com