കശ്മീരില്‍ ആദ്യ കോവിഡ് മരണം, രാജ്യത്ത് മരണസംഖ്യ 13

കശ്മീരിലെ ഹൈദര്‍ പോറ ഗ്രാമത്തിലെ 65 കാരനാണ് കോവിഡ് ബാധിച്ച് മരിച്ചത്
ചിത്രം: പിടിഐ
ചിത്രം: പിടിഐ

ന്യൂഡല്‍ഹി: രാജ്യത്ത് കോവിഡ് ബാധിച്ചവരുടെ എണ്ണം 649 ആയി. ഇതില്‍ 593 പേര്‍ വിവിധ ആശുപത്രികളില്‍ ചികിത്സയില്‍ കഴിയുകയാണെന്നും 42 പേര്‍ക്ക് രോഗം ഭേദമായതായും കേന്ദ്ര ആരോഗ്യമന്ത്രാലയം വ്യക്തമാക്കി. അതേസമയം മരണസംഖ്യ 13 ആയി. കശ്മീരില്‍ ആദ്യത്തെ കോവിഡ് മരണം റിപ്പോര്‍ട്ട് ചെയ്തു.

കശ്മീരിലെ ഹൈദര്‍ പോറ ഗ്രാമത്തിലെ 65 കാരനാണ് കോവിഡ് ബാധിച്ച് മരിച്ചത്. മൂന്നുദിവസം മുന്‍പാണ് ഇദ്ദേഹത്തിന് രോഗം സ്ഥിരീകരിച്ചത്. ശ്രീനഗറില്‍ സര്‍ക്കാര്‍ ആശുപത്രിയിലായിരുന്നു ചികിത്സ.

ഇദ്ദേഹവുമായി സമ്പര്‍ക്കത്തിലേര്‍പ്പെട്ട നാലുപേര്‍ക്ക് കൂടി രോഗം സ്ഥിരീകരിച്ചിട്ടുണ്ട്. ഇവരെ നിരീക്ഷണത്തിലാക്കി. ഇതോടെ കശ്മീരില്‍ കോവിഡ് ബാധിച്ച് ചികിത്സയില്‍ കഴിയുന്നവരുടെ എണ്ണം 11 ആയി. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com