ദേശീയം
സാനിറ്റൈസറില്‍ നിന്ന് മദ്യം നിര്‍മിച്ചു ; യുവാവ് അറസ്റ്റില്‍
72 ശതമാനം ആല്‍ക്കഹോള്‍ അടങ്ങിയ സാനിറ്റൈസറില്‍ നിന്നാണ് രജ്പുത് മദ്യം നിര്‍മ്മിച്ചതെന്ന് പൊലീസ് പറഞ്ഞു
ഭോപ്പാല്‍: സാനിറ്റൈസറില്‍ നിന്ന് മദ്യം നിര്‍മിച്ച യുവാവ് അറസ്റ്റിലായി. മധ്യപ്രദേശിലെ റൈസന്‍ ജില്ലയിലാണ് സംഭവം. ഇന്ദാല്‍ സിങ് രജ്പുത് എന്ന ബോറിയ ജഗിര്‍ ഗ്രാമവാസിയാണ് പിടിയിലായത്.
72 ശതമാനം ആല്‍ക്കഹോള്‍ അടങ്ങിയ സാനിറ്റൈസറില്‍ നിന്നാണ് രജ്പുത് മദ്യം നിര്‍മ്മിച്ചതെന്ന് പൊലീസ് പറഞ്ഞു. അസാധാരണമായിട്ടാണ് ഇത്തരത്തിലൊരു സംഭവമെന്നും മധ്യപ്രദേശ് പൊലീസ് പറഞ്ഞു. ഹാന്‍ഡ് സാനിറ്റൈസറിലെ പ്രധാന ഘടകമാണ് ആല്‍ക്കഹോള്‍.
ലോക്ക്ഡൗണ്‍ പ്രഖ്യാപിച്ചതിനെ തുടര്‍ന്ന് സംസ്ഥാനത്തെ മദ്യശാലകള്‍ പൂര്‍ണ്ണമായും അടച്ചിട്ടിരിക്കുകായാണ്. കൊറോണയെ തുടര്‍ന്ന് ഉയര്‍ന്ന ഡിമാന്‍ഡുള്ള സാനിറ്റൈസറുകള്‍ നിര്‍മ്മിക്കാന്‍ സംസ്ഥാനത്തെ നിരവധി ഡിസ്റ്റിലറികള്‍ക്ക് സര്‍ക്കാര്‍ അനുമതി നല്‍കിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
