ദുര്‍മന്ത്രവാദിനികള്‍ എന്ന് ആരോപിച്ച് മൂന്ന് സ്ത്രീകളെ മര്‍ദിച്ച് നഗ്നരാക്കി നടത്തിച്ചു; ക്രൂരതയുടെ വീഡിയോ വൈറലായി, കേസ്

തിങ്കളാഴ്ച നടന്ന സംഭവത്തിന്റെ വീഡിയോ സാമൂഹ്യ മാധ്യമങ്ങളിലൂടെ പുറത്തുവന്നതിന് പിന്നാലെ, പൊലീസ് കേസെടുത്തു
ദുര്‍മന്ത്രവാദിനികള്‍ എന്ന് ആരോപിച്ച് മൂന്ന് സ്ത്രീകളെ മര്‍ദിച്ച് നഗ്നരാക്കി നടത്തിച്ചു; ക്രൂരതയുടെ വീഡിയോ വൈറലായി, കേസ്

ദുര്‍മന്ത്രവാദിനികള്‍ ആണെന്ന് ആരോപിച്ച് മൂന്ന് സ്ത്രീകളെ നഗ്നരാക്കി മര്‍ദിച്ച് നിരത്തിലൂടെ നടത്തിച്ചു. ബിഹാറിലെ മുസാഫര്‍പൂരിലെ ദകര്‍മ ഗ്രാമവാസികളാണ് സ്ത്രീകളെ മര്‍ദിച്ച് അര്‍ധനഗ്നരാക്കി നടത്തിച്ചത്. 

തിങ്കളാഴ്ച നടന്ന സംഭവത്തിന്റെ വീഡിയോ സാമൂഹ്യ മാധ്യമങ്ങളിലൂടെ പുറത്തുവന്നതിന് പിന്നാലെ, പൊലീസ് കേസെടുത്തു. പൊലീസ് അന്വേഷണം ആരംഭിച്ചെന്നും ഇത് പൈശാചികമായ കുറ്റകൃത്യമാണെന്നും ഈസ്റ്റ് മുസാഫര്‍പൂര്‍ സബ് ഡിവിഷണല്‍ ഓഫീസര്‍ കുന്ദന്‍ കുമാര്‍ പറഞ്ഞു. 

ബിഹാറിലെ ഗ്രാമങ്ങളില്‍ ഇത്തരത്തിലുള്ള സംഭവങ്ങള്‍ പതിവാണ്. 2018ല്‍ ബിഹിയ ടൗണില്‍ യുവാവിന്റെ കൊലപാതകത്തില്‍ പങ്കുണ്ടെന്ന് ആരോപിച്ച് സ്ത്രീയെ മര്‍ദിച്ച് നഗ്നയാക്കി നടത്തിയിരുന്നു. ഇതില്‍ പങ്കുണ്ടെന്ന് ബോധ്യപ്പെട്ട എട്ട് പൊലീസ് ഉദ്യോഗസ്ഥരെ സസ്‌പെന്റ് ചെയ്തിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com