ന്യൂഡല്‍ഹി: കോവിഡിനെതിരായ പോരാട്ടത്തില്‍ എല്ലാ രാജ്യങ്ങളും ഒന്നിച്ചു നില്‍ക്കേണ്ടതുണ്ടെന്ന് പ്രധാനമന്ത്രി നരേന്ദ്ര മോദി. കോവിഡ് പ്രതിരോധത്തില്‍ ഇന്ത്യയ്ക്കു പിന്തുണ അറിയിച്ച യുഎസ് പ്രസിഡന്റ് ഡോണള്‍ഡ് ട്രംപിന് നന്ദി പറഞ്ഞുകൊണ്ടുള്ള ട്വീറ്റിലാണ് മോദിയുടെ നിര്‍ദേശം.
''നാം എല്ലാവരും ചേര്‍ന്നാണ് ഈ മഹാമാരിയെ നേരിടുന്നത്. ഇത്തരം സമയങ്ങളില്‍ എല്ലാവരും ഒന്നിച്ചു നില്‍ക്കുകയെന്നത് പ്രധാനമാണ്'' -മോദി പറഞ്ഞു.
മാഹാമാരിക്കെതിരായ പോരാട്ടത്തില്‍ യുഎസ് ഇന്ത്യയ്‌ക്കൊപ്പമുണ്ടെന്ന് ഇന്നലെ ട്രംപ് അറിയിച്ചിരുന്നു. ഇന്ത്യയ്ക്ക് വെന്റിലേറ്ററുകള്‍ നല്‍കി സഹായിക്കുമെന്നും ട്രംപ് പ്രഖ്യാപിച്ചു. ഇതിന് മോദി നന്ദി അറിയിച്ചു.
വാക്‌സിന്‍ കണ്ടെത്തുന്നതിലും യുഎസും ഇന്ത്യയും ഒരുമിച്ചു പ്രവര്‍ത്തിക്കുകയാണെന്ന് ട്രംപ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
