കോവിഡ് രോഗിയുമായി സമ്പര്‍ക്കം, പിന്നാലെ പിറന്നാൾ പാർട്ടി; ഒരു അപാര്‍ട്‌മെന്റിലെ 25 പേര്‍ക്ക് കോവിഡ് 

രോ​ഗം സ്ഥിരീകരിച്ചവരുടെ റൂട്ട് മാപ്പും സമ്പര്‍ക്ക പട്ടികയും തയ്യാറാക്കി വരികയാണ്
കോവിഡ് രോഗിയുമായി സമ്പര്‍ക്കം, പിന്നാലെ പിറന്നാൾ പാർട്ടി; ഒരു അപാര്‍ട്‌മെന്റിലെ 25 പേര്‍ക്ക് കോവിഡ് 

ഹൈദരബാദ്: പിറന്നാളാഘോഷത്തിൽ പങ്കെടുത്തതിന് പിന്നാലെ ഒരു അപാര്‍ട്‌മെന്റിലെ 25 പേര്‍ക്ക് കോവിഡ് സ്ഥിരീകരിച്ചു. തെലങ്കാനയിലെ മദനപേട്ടയിലെ അപാര്‍ട്‌മെന്റിലാണ് കോവിഡ് വ്യാപനം സ്ഥിരീകരിച്ചത്. എല്ലാവരെയും ആശുപത്രിയില്‍ പ്രവേശിപ്പിച്ചു. 

അപാര്‍ട്ട്‌മെന്റിലെ ഒരാള്‍ കോവിഡ് രോഗിയുമായി സമ്പര്‍ക്കം പുലര്‍ത്തിയിരുന്നു. ഇതിന് പിന്നാലെയാണ് പിറന്നാൾ ആഘോഷം നടന്നത്. ഇതിൽ അപ്പാർട്ട്മെന്റിലെ ചിലർ പങ്കെടുക്കുകയുണ്ടായി. അതേസമയം പിറന്നാളാഘോഷ പരിപാടിയില്‍ വെച്ചാണ് രോഗം വ്യാപിച്ചതെന്നത് സ്ഥിരീകരണമില്ലെന്ന് ഗ്രേറ്റര്‍ ഹൈദരാബാദ് മുന്‍സിപ്പല്‍ കോര്‍പ്പറേഷന്‍ സോണല്‍ കമ്മീഷണര്‍ അശോക് സാമ്രാട്ട് പറഞ്ഞു. 

രോ​ഗം സ്ഥിരീകരിച്ചവരുടെ റൂട്ട് മാപ്പും സമ്പര്‍ക്ക പട്ടികയും തയ്യാറാക്കി വരികയാണെന്നും സാമ്രാട്ട് അറിയിച്ചു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com