മുംബൈ: കോവിഡ്-19 ൽനിന്ന് സുഖം പ്രാപിച്ച് വീട്ടിലെത്തിയ നിയമസഭാംഗം പാമ്പു കടിയേറ്റ് വീണ്ടും ആശുപത്രിയിലായി. മഹാരാഷ്ട്ര നിയമസഭാ കൗൺസിൽ അംഗമാണ് പാമ്പുകടിയേറ്റ് വീണ്ടും ആശുപത്രിയിലായത്. താനെയിൽനിന്നുള്ള ശിവസേന അംഗത്തിനാണ് പാമ്പുകടിയേറ്റത്.
കഴിഞ്ഞ എട്ടാം തീയതിയാണ് കോവിഡ് ബാധിച്ചതിനെ തുടർന്ന് ഇദ്ദേഹത്തെ ആശുപത്രിയിൽ പ്രവേശിപ്പിച്ചത്. രോഗം ഭേദമായതിനെ തുടർന്ന് വെള്ളിയാഴ്ച ആശുപത്രി വിട്ട അദ്ദേഹം യേയൂരിലെ ബംഗ്ലാവിലേക്ക് മടങ്ങി.
എന്നാൽ കഴിഞ്ഞദിവസം വീടിനു പുറത്തുവച്ച് അദ്ദേഹത്തിന് പാമ്പുകടിയേൽക്കുകയായിരുന്നു. ഇതേതുടർന്ന് മുലുന്ദിലെ സ്വകാര്യ ആശുപത്രിയിൽ
വീണ്ടും പ്രവേശിപ്പിച്ചു. അദ്ദേഹത്തിന്റെ ആരോഗ്യനില തൃപ്തികരമാണെന്നാണ് റിപ്പോർട്ടുകൾ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ