മുംബൈ: മഹാരാഷ്ട്രയില് ഇന്ന് 105 പേര്ക്ക് കൂടി കോവിഡ് ബാധയെ തുടര്ന്ന് ജീവന് നഷ്ടമായതായി സര്ക്കാര് കണക്കുകള്. ഇതോടെ കൊറോണ വൈറസ് ബാധയെ തുടര്ന്ന് സംസ്ഥാനത്ത് ജീവന് നഷ്ടമായവരുടെ എണ്ണം 1897 ആയി. 2190 പേര്ക്കാണ് പുതുതായി കോവിഡ് സ്ഥിരീകരിച്ചത്. ഇതുവരെ സംസ്ഥാനത്ത് 56948 പേര്ക്കാണ് കൊറോണ വൈറസ് ബാധ കണ്ടെത്തിയത്.
24 മണിക്കൂറിനിടെ 964പേര് രോഗമുക്തി നേടിയത് സംസ്ഥാനത്തിന് നേരിയ ആശ്വാസമായി. ഇതുവരെ 17918 പേരാണ് കൊറോണ വൈറസ് ബാധയില് നിന്ന് രോഗമുക്തി നേടിയത്. 37125 പേരാണ് വിവിധ ആശുപത്രികളില് ചികിത്സയില് കഴിയുന്നതെന്നും മഹാരാഷ്ട്ര സര്ക്കാര് കണക്കുകള് വ്യക്തമാക്കുന്നു. ഗുജറാത്തിലും സ്ഥിതി വ്യത്യസ്തമല്ല. 24 മണിക്കൂറിനിടെ 376പേര്ക്കാണ് കോവിഡ് സ്ഥിരീകരിച്ചത്. ഈ സമയപരിധിയില് 23 പേര്ക്കാണ് ജീവന് നഷ്ടമായത്. 15205 പേര്ക്കാണ് ഇതുവരെ രോഗം കണ്ടെത്തിയത്. മരണസംഖ്യ 938 ആയി ഉയര്ന്നതായി സര്ക്കാര് കണക്കുകള് വ്യക്തമാക്കുന്നു.
പശ്ചിമ ബംഗാളില് പുതുതായി 183 പേര്ക്കാണ് രോഗബാധ ഉണ്ടായത്.ഇതോടെ കോവിഡ് സ്ഥിരീകരിച്ചവരുടെ എണ്ണം 4192 ആയി ഉയര്ന്നതായി പശ്ചിമ ബംഗാള് കണക്കുകള് വ്യക്തമാക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ