ന്യൂഡല്‍ഹി: രാജ്യത്തെ കോവിഡ് കേസുകളില്‍ 70 ശതമാനവും 13 നഗരങ്ങളില്‍ നിന്നുമെന്ന് കേന്ദ്രസര്‍ക്കാര്‍. മുംബൈ ഉള്‍പ്പെടെയുളള ഈ നഗരങ്ങളെ അതീവ ജാഗ്രത വേണ്ട പ്രദേശങ്ങളായാണ് കേന്ദ്രസര്‍ക്കാര്‍ വിലയിരുത്തുന്നത്.
മുംബൈയ്ക്ക് പുറമേ ചെന്നൈ, ഡല്‍ഹി, അഹമ്മദാബാദ്, താനെ, പുനെ, ഹൈദരാബാദ്, കൊല്‍ക്കത്ത, ജയ്പൂര്‍, ജോദ്പൂര്‍, ചെങ്കല്‍പ്പെട്ട്, തിരുവളളൂര്‍ എന്നിവയാണ് കോവിഡ് രോഗവ്യാപനം കൂടിയ മറ്റു നഗരങ്ങള്‍. നിലവില്‍ രാജ്യത്ത് 86110 പേരാണ് കോവിഡ് സ്ഥിരീകരിച്ച് വിവിധ ആശുപത്രികളില്‍ ചികിത്സയില്‍ കഴിയുന്നത്.
നിലവില്‍ 67691 പേര്‍ രോഗമുക്തി നേടി ആശുപത്രി വിട്ടതായും കേന്ദ്രസര്‍ക്കാര്‍ കണക്കുകള്‍ വ്യക്തമാക്കുന്നു. കഴിഞ്ഞ 24 മണിക്കൂറിനിടെ 3266 പേര്‍ കൂടി രോഗമുക്തി നേടി. ഇതോടെ കോവിഡ് സ്ഥിരീകരിച്ചവരില്‍ രോഗമുക്തി നേടുന്നവരുടെ എണ്ണം 42.75 ശതമാനമായി ഉയര്‍ന്നതായി കേന്ദ്രസര്‍ക്കാര്‍ കണക്കുകല്‍ വ്യക്തമാക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
