ചെന്നൈ: കടുത്ത വയറുവേദനയെ തുടര്ന്ന് ആശുപത്രിയില് പ്രവേശിപ്പിച്ച 29കാരനെ പരിശോധിച്ച ഡോക്ടര്മാര് ഞെട്ടി. വയറിനകത്ത് കണ്ടെത്തിയ പൊട്ടാത്ത ഗ്ലാസ് ബോട്ടില് ശസ്ത്രക്രിയ നടത്തി പുറത്തെടുത്തു.
തമിഴ്നാട്ടിലെ നാഗപട്ടണത്താണ് സംഭവം. കടുത്ത വയറുവേദനയെ തുടര്ന്ന് സര്ക്കാര് ആശുപത്രിയില് ചികിത്സ തേടി എത്തിയ 29കാരനാണ് ശസ്ത്രക്രിയ നടത്തിയത്. പരിശോധനയില് വയറിനകത്ത് പൊട്ടാത്ത ഗ്ലാസ് ബോട്ടില് കണ്ടെത്തുകയായിരുന്നു.
അര്ദ്ധ ബോധാവസ്ഥയിലായിരുന്നു യുവാവ്. പിന്നീട് ഡോക്ടര്മാര് കാര്യം ചോദിച്ചപ്പോള് വിവരം പറഞ്ഞു. മദ്യലഹരിയില് മലദ്വാരം വഴി ബോട്ടില് അകത്തു കടത്തിയതായി യുവാവ് പറയുകയായിരുന്നു. രണ്ടുമണിക്കൂര് നീണ്ട ശസ്ത്രക്രിയയ്ക്ക് ഒടുവിലാണ് ഗ്ലാസ് ബോട്ടില് പുറത്തെടുത്തത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ