ന്യൂഡല്‍ഹി: രാജ്യത്ത് ഏറ്റവുമധികം വായുമലിനീകരണം ഉള്ള നഗരം പശ്ചിമബംഗാളിലെ ഹൗറ. വായുമലിനീകരണത്തില്‍ ഡല്‍ഹിയേക്കാള്‍ ഹൗറ മോശമാണെന്ന് റിപ്പോര്‍ട്ട് വ്യക്തമാക്കുന്നു. കഴിഞ്ഞ ഏതാനും ദിവസമായി ഡല്‍ഹിയിലെ സ്ഥിതി മെച്ചപ്പെട്ടു വരികയാണ്.
രാജസ്ഥാനിലെ ഭിവടിയാണ് തൊട്ടുപിന്നില്‍. കൊല്‍ക്കത്തയാണ് മൂന്നാം സ്ഥാനത്ത്. നാലാം സ്ഥാനത്താണ് ഡല്‍ഹിയെന്ന് വായു മലിനീകരണത്തിന്റെ തോത് കാണിക്കുന്ന സൂചിക വ്യക്തമാക്കുന്നു.
24 മണിക്കൂറിലെ കണക്കനുസരിച്ച് ഹൗറയുടെ മൂല്യം 285 ആണ്. ഭിവടി 267, കൊല്‍ക്കത്ത 266, ഡല്‍ഹി 211 എന്നിങ്ങനെയാണ് മറ്റു നഗരങ്ങള്‍. തോത് 200ന് മുകളിലാണെങ്കില്‍ സ്ഥിതി മോശമാണെന്നാണ് വിലയിരുത്തല്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
