മുംബൈ: 58കാരിയായ കാമുകിയെ കൊല്ലാന്‍ ശ്രമിച്ചതിന് 55 കാരനായ കാമുകനെതിരെ കേസെടുത്തു. അതിന് പിന്നാലെ വായില്‍ ബോംബ് വച്ച് ആത്മഹത്യക്ക് ശ്രമിച്ചു. ഗുരുതരമായി പരിക്കേറ്റ ഇരുവരെയും സമീപത്തെ ആശുപത്രിയില്‍ പ്രവേശിപ്പിച്ചു.
80കാരിയായ അമ്മയ്‌ക്കൊപ്പമാണ് മകള്‍ താമസിച്ചിരുന്നത്. ഇവര്‍ക്ക് രണ്ട് മകളും ഒരു മകനും ഉണ്ട്്. അന്ധേരിയിലെ ഒരു സൊസൈറ്റിയില്‍ ഒരു കുക്കായാണ് ഇവര്‍ ജോലി ചെയ്തിരുന്നത്. 15 വര്‍ഷമായി ഡ്രൈവര്‍ സച്ചിന്‍ ചൗഹാനുമായി ഇവര്‍ പ്രണയത്തിലായിരുന്നു. ചൗഹാന്‍ നിരന്തരമായി ഇവരുടെ വീട്ടിലെത്തിയിരുന്നു. ഇതില്‍ അമ്മ എതിര്‍പ്പ് അറിയിച്ചിരുന്നു. കോവിഡ് കാലമായതിനാല്‍ അവരുടെ എതിര്‍പ്പ് ശക്തമായിരുന്നു. തുടര്‍ന്ന് ഇതിനെ ചൊല്ലി വഴക്കിടല്‍ പതിവായി.
കഴിഞ്ഞ ദിവസം രാവില ഏഴ് മണിക്ക് ഇയാള്‍ വീട്ടിലെത്തി ഭീഷണി മുഴക്കുകയായിരുന്നു. ശേഷം കയ്യാങ്കളിയില്‍ കലാശിക്കുകയായിരുന്നു. കാമുകിയെ കഴുത്തില്‍ നിരവധി തവണ കുത്തി. നിലത്ത് വീണതിന് പിന്നാലെ മുഖത്ത് ഇടിക്കുയും മുടി മുറിക്കുകയും ചെയ്തു. അതിന് പിന്നാലെ കൈയില്‍ കരുതിയ ബോംബ് വായില്‍ വച്ച് തിരികൊളുത്തുകയായിരുന്നു. തിരികൊളുത്തിയതും ബോംബ് വായിലിരുന്ന് പൊട്ടി. തുടര്‍ന്ന് പോലീസ് സ്ഥലത്തെത്തുകയായിരുന്നു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
