ലഖ്‌നൗ : ബലാല്‍സംഗക്കേസിലെ പ്രതിയുടെ മൃതദേഹം ദൂരൂഹസാഹചര്യത്തില്‍ കണ്ടെത്തി. കടുവ സങ്കേതത്തിന് സമീപത്തു നിന്നാണ് അഴുകിയ നിലയില്‍ മൃതദേഹം കണ്ടെത്തിയത്. യുപിയിലെ ബഹാരി വനമേഖലയിലാണ് സംഭവം.
22 കാരിയെ ബലാല്‍സംഗം ചെയ്ത കേസിലെ പ്രതി അനുജ് കശ്യപിന്റെ മൃതദേഹമാണ് പിലിഭത്ത് കടുവസങ്കേതത്തിന് സമീപത്തു നിന്ന് കണ്ടെത്തിയത്.
കാട്ടില്‍ വിറക് ശേഖരിക്കാന്‍ പോയ ഗ്രാമവാസികളാണ് അഴുകിയ നിലയില്‍ തലയില്ലാത്ത മൃതദേഹം കണ്ടത്. കൊലപാതകത്തിന് പിന്നില്‍ പീഡിപ്പിക്കപ്പെട്ട പെണ്‍കുട്ടിയുടെ കുടുംബമാണെന്ന് അനുജിന്റെ ബന്ധുക്കള്‍ ആരോപിച്ചു.
സെപ്റ്റംബര്‍ ആറിനാണ് 25 കാരനായ അനുജ് കശ്യപ് യുവതിയെ തട്ടിക്കൊണ്ടുപോയി പീഡിപ്പിച്ചത്. തുടര്‍ന്ന് ഇയാള്‍ ഒളിവില്‍ കഴിയുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
