ന്യൂഡൽഹി: രാജ്യത്ത് തുടർച്ചയായ രണ്ടാം ദിവസവും 40000ലധികം കോവിഡ് രോഗികൾ. 24 മണിക്കൂറിനിടെ 45,882 പേർക്കാണ് വൈറസ് ബാധ കണ്ടെത്തിയത്. ഇതോടെ മൊത്തം കോവിഡ് ബാധിതരുടെ എണ്ണം 90 ലക്ഷം കടന്നു. ഇതുവരെ 90,04,366 പേർക്കാണ് വൈറസ് ബാധ കണ്ടെത്തിയതെന്ന് കേന്ദ്ര ആരോഗ്യമന്ത്രാലയ കണക്കുകൾ വ്യക്തമാക്കുന്നു.
ഇന്നലെ 584 പേരാണ് വൈറസ് ബാധയെ തുടർന്ന് മരിച്ചത്. ഇതോടെ മരണസംഖ്യ 1,32,162 ആയി ഉയർന്നു. നിലവിൽ 4,43,794 പേരാണ് ചികിത്സയിൽ കഴിയുന്നത്.
ഇന്നലെ മാത്രം ചികിത്സയിലുള്ളവരുടെ എണ്ണത്തിൽ 491 പേരുടെ വർധനയാണ് ഉണ്ടായത്. രോഗമുക്തരുടെ എണ്ണം 84 ലക്ഷം കടന്നു.84,28,410 പേരാണ് രോഗമുക്തി നേടിയത്. ഇന്നലെ മാത്രം 44,807 പേരാണ് രോഗമുക്തി നേടിയതെന്ന് ആരോഗ്യമന്ത്രാല കണക്കുകൾ വ്യക്തമാക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ