ന്യൂഡൽഹി: കേന്ദ്രസർക്കാരിന്റെ കാർഷിക നിയമങ്ങൾക്ക് എതിരായ പ്രക്ഷോഭത്തിൽ പങ്കെടുക്കാൻ ഡൽഹിയിലെത്തിയ 55കാരൻ കാർ കത്തി വെന്തുമരിച്ചു. പഞ്ചാബിൽ നിന്നെത്തിയ ജനക് രാജ് എന്നയാളാണ് മരിച്ചത്. ഇയാൾ ഉറങ്ങിക്കിടന്നിരുന്ന കാർ കത്തിയമർന്നതിനെത്തുടർന്നാണ് മരണം. ഡൽഹി ഹരിയാന അതിർത്തിയിൽ ശനിയാഴ്ച രാത്രിയാണ് സംഭവവം.
ട്രാക്ടർ നന്നാക്കുന്ന തൊഴിലാളിയാണ് ജനക്. ഡൽഹിയിൽ പ്രക്ഷോഭം നടത്തുന്ന കർഷകരുടെ ട്രാക്ടറുകൾ നന്നാക്കാൻ സ്വന്തം ഇഷ്ടപ്രകാരമാണ് ഇയാൾ ഇവിടേക്കെത്തിയത്. രാത്രി വൈകി ജോലി പൂർത്തിയാക്കിയ ജനക് കാറിൽ കിടന്ന് ഉറങ്ങി. കാറിന് തീ പിടിക്കുകയും ജീവനോടെ വെന്തുരുകുകയുമായിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ