ഭൂമി തർക്കം: 11കാരനെ അടക്കം മൂന്ന് പേരെ കൊലപ്പെടുത്തി, മ‍ൃതദേഹങ്ങൾക്ക് മുകളിലൂടെ ട്രാക്ടർ ഓടിച്ച് പ്രതി 

ഭൂമി തർക്കത്തെതുടർന്ന് ഒരു കുടുംബത്തിലെ മൂന്ന് പേരെ കൊലപ്പെടുത്തി
ഭൂമി തർക്കം: 11കാരനെ അടക്കം മൂന്ന് പേരെ കൊലപ്പെടുത്തി, മ‍ൃതദേഹങ്ങൾക്ക് മുകളിലൂടെ ട്രാക്ടർ ഓടിച്ച് പ്രതി 

ഭോപ്പാൽ : ഭൂമി തർക്കത്തെതുടർന്ന് ഒരു കുടുംബത്തിലെ മൂന്ന് പേരെ കൊലപ്പെടുത്തി പ്രതി പൊലീസിൽ കീഴടങ്ങി. 11 വയസുള്ള കുട്ടിയടക്കമാണ് കൊല്ലപ്പെട്ടത്. വടിയും ഇരുമ്പുകമ്പികളും കൊണ്ട് മൂവരെയും കൊലപ്പെടുത്തുകയായിരുന്നു. തുടർന്ന് മൃതദേഹങ്ങൾക്ക് മുകളിലൂടെ ട്രാക്ടർ ഓടിച്ചു കയറ്റി

11 വയസുള്ള ആൺകുട്ടിയ്ക്ക് പുറമേ കുടുംബാംഗങ്ങൾ ആയ രാജേന്ദ്ര യദുവാൻഷി(35), കുൻവാർ യദുവാൻഷി(32) എന്നിവരാണ് കൊല്ലപ്പെട്ടത്. കൃത്യം നടത്തിയതിന് പിന്നാലെ അൻവർ എന്നയാൾ ട്രാക്ടറുമായി പൊലീസ് സ്റ്റേഷനിലെത്തി കീഴടങ്ങുകയായിരുന്നു. ഇയാൾക്ക് പുറമേ കൊലപാതകത്തിൽ പങ്കാളികളായ മറ്റ് ആറ് പേരെ കൂടി പൊലീസ് അറസ്റ്റ് ചെയ്തു. സംഭവത്തിൽ അന്വേഷണം ആരംഭിച്ചതായി പൊലീസ് പറഞ്ഞു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com