മുംബൈ: പാക് ചാര സംഘടനയ്ക്ക് യുദ്ധ വിമാനത്തെക്കുറിച്ചുള്ള വിവരങ്ങൾ ചോർത്തി നൽകിയ ഹിന്ദുസ്ഥാൻ എയറോനോട്ടിക്സ് ലിമിറ്റഡിലെ ജീവനക്കാരൻ അറസ്റ്റിൽ. ദീപക് ശിർസാത്ത് എന്നയാളെ മഹാരാഷ്ട്ര ആൻറി സ്ക്വാഡാണ് പിടികൂടിയത്.
വാട്ട്സ്ആപ്പ് ഉൾപ്പടെയുള്ള സമൂഹമാധ്യമങ്ങൾ വഴിയാണ് ഇയാൾ യുദ്ധ മാനങ്ങളെക്കുറിച്ചുള്ള വിവരങ്ങൾ പാക് ചാര സംഘടനയായ ഐഎസ്ഐയ്ക്ക് കൈമാറിയത്. ഐഎസ്ഐയുമായി നിരന്തരം ബന്ധപ്പെട്ടിരുന്ന ഇയാളെക്കുറിച്ച് ആൻറി ടെററിസം സ്ക്വാഡിൻറെ നാസിക് യൂണിറ്റിന് വിവരം ലഭിച്ചുവെന്ന് ഡിസിപി വിനയ് റാത്തോഡ് പറഞ്ഞു.
നാസിക്കിനടുത്തുള്ള ഓസറിലെ എച്ച്എഎൽ വിമാന നിർമാണ യൂണിറ്റ്, എയർബേസ്, നിർമാണ യൂണിറ്റിനുള്ളിലെ നിരോധിത പ്രദേശങ്ങൾ എന്നിവയുമായി ബന്ധപ്പെട്ട വിവരങ്ങളും ഇയാൾ പങ്കുവെച്ചതായി അധികൃതർ അറിയിച്ചു. മൂന്ന് മൊബൈൽ ഹാൻഡ്സെറ്റുകളും അഞ്ച് സിം കാർഡുകളും രണ്ട് മെമ്മറി കാർഡുകളും ഇയാളിൽ നിന്ന് പിടിച്ചെടുത്തു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ