ബാരാബങ്കി (ഉത്തര്പ്രദേശ്): ബാരാബങ്കിയില് വയലില് മരിച്ച നിലയില് കണ്ടെത്തിയ ദലിത് പെണ്കുട്ടിയെ ബലാത്സംഗത്തിനു ശേഷം കഴുത്തുഞെരിച്ചു കൊലപ്പെടുത്തിയാണെന്ന് പൊലീസ്. പോസ്റ്റ്മോര്ട്ടം റിപ്പോര്ട്ടില് ഇക്കാര്യം വ്യക്തമാണെന്ന് എഎസ്പി ആര്എസ് ഗൗതം പറഞ്ഞു.
കൊലപ്പെടുത്തുന്നതിനു മുമ്പ് പെണ്കുട്ടി ബലാത്സംഗം ചെയ്യപ്പെട്ടതായി വ്യക്തമായിട്ടുണ്ടെന്ന് പൊലീസ് പറഞ്ഞു. എഫ്ഐആറില് ബലാത്സംഗക്കുറ്റം കൂട്ടിച്ചേര്ക്കുമെന്നും അദ്ദേഹം അറിയിച്ചു.
സംഭവവുമായി ബന്ധമുണ്ടെന്നു സംശയിക്കുന്ന ചിലരെ കസ്റ്റഡിയില് എടുത്തിട്ടുണ്ട്. ഇവരെ ചോദ്യം ചെയ്തുവരികയാണെന്ന് പൊലീസ് അറിയിച്ചു.
വയലിലേക്കു പോയ പതിനെട്ടുകാരിയായ മകളെ കാണാനില്ലെന്ന് പിതാവാണ് പൊലീസിനെ അറിയിച്ചത്. പിന്നീട് കുടുംബാംഗങ്ങള് നടത്തിയ തെരച്ചിലിലാണ് വയലില് മൃതദേഹം കണ്ടെത്തിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ