ജന്മദിനാഘോഷത്തിന് കേക്ക് മുറിക്കാന്‍ കൂറ്റന്‍ വാള്‍; 19കാരന്‍ അറസ്റ്റില്‍

വാള്‍ ഉപയോഗിച്ച് ബര്‍ത്ത്‌ഡേ കേക്ക് മുറിച്ച സംഭവത്തില്‍ 19കാരനെ പൊലീസ് അറസ്റ്റ് ചെയ്തു
ജന്മദിനാഘോഷത്തിന് കേക്ക് മുറിക്കാന്‍ കൂറ്റന്‍ വാള്‍; 19കാരന്‍ അറസ്റ്റില്‍

നാഗ്പൂര്‍: വാള്‍ ഉപയോഗിച്ച് ബര്‍ത്ത്‌ഡേ കേക്ക് മുറിച്ച സംഭവത്തില്‍ 19കാരനെ പൊലീസ് അറസ്റ്റ് ചെയ്തു. ഇയാള്‍ കേക്ക് മുറിക്കുന്നതിന്റെ വീഡിയോ സമൂഹമാധ്യമങ്ങളിൽ പോസ്റ്റ് ചെയ്തിരുന്നു. ഇതിന് പിന്നാലെ ഈ വിഡിയോ വൈറലായിരുന്നു. തുടര്‍ന്നാണ് യുവാവിനെതിരെ പൊലീസ് കേസ് രജിസ്റ്റര്‍ ചെയ്തത്.

ഒക്ടോബര്‍ 21നായിരുന്നു നിഖിലിന്റെ ജന്മദിനാഘോഷം. സുഹൃത്തുക്കള്‍ നിഖിലാനായി സമ്മാനിച്ചത് വലിയ കേക്കായിരുന്നു. ആഘോഷത്തിനിടെ വാള്‍ ഉപയോഗിച്ചാണ് നിഖില്‍ കേക്ക് മുറിച്ചത്. ഇതിന് പിന്നാലെ ആഘോഷത്തിന്റെ വീഡിയോയും ഫോട്ടോസും വ്യാപകമായി വാട്‌സാപ്പുകളില്‍ പ്രചരിച്ചു. തുടര്‍ന്ന് ക്രൈംബ്രാഞ്ച് പട്ടേലിന്റെ വീട്ടില്‍ റെയ്ഡ് നടത്തി. വാള്‍ പിടിച്ചെടുക്കുകയും യുവാവിനെ അറസ്റ്റ് ചെയ്യുകയുമായിരുന്നു.

ആയുധം കൈവശം വച്ചതിന് വിവിധ വകുപ്പുകള്‍ പ്രകാരമാണ് ഇയാള്‍ക്കെതിരെ പൊലീസ് കേസ് രജിസ്റ്റര്‍ ചെയ്തത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com