ബുദ്ധദേവ് ഭട്ടാചാര്യ അവശനിലയില്‍; ചിത്രങ്ങള്‍ പങ്കുവച്ച് ബംഗാള്‍ ഗവര്‍ണര്‍, വിമര്‍ശനവുമായി സിപിഎം
By സമകാലിക മലയാളം ഡെസ്‌ക്‌ | Published: 26th October 2020 11:05 AM |
Last Updated: 26th October 2020 11:05 AM | A+A A- |
ബംഗാള്‍ മുന്‍ മുഖ്യമന്ത്രി ബുദ്ധദേവ് ഭട്ടാചാര്യ/ചിത്രം:പിടിഐ
കൊല്‍ക്കത്ത: അവശനിലയില്‍ കഴിയുന്ന പശ്ചിമ ബംഗാള്‍ മുന്‍ മുഖ്യമന്ത്രി ബുദ്ധദേവ് ഭട്ടാചാര്യയുടെ ചിത്രം പങ്കുവച്ച ബംഗാള്‍ ഗവര്‍ണറുടെ നടപടിക്ക് എതിരെ രൂക്ഷ പ്രതികരണവുമായി സിപിഎം. അഷ്ടമി ദിനത്തിലാണ് ഗവര്‍ണര്‍ ജഗ്ദീപ് ധന്‍കറും ഭാര്യയും ബുദ്ധദേവിനെ സന്ദര്‍ശിച്ചത്. തീരെ അവശനിലയിലായ മുന്‍ മുഖ്യമന്ത്രിയുടെ ചിത്രം ജഗ്ദീപ് ട്വിറ്ററില്‍ ഷെയര്‍ ചെയ്യുകയായിരുന്നു.
ഗവര്‍ണറുടെ നടപടി തങ്ങളെ വളരെയധികം വേദനപ്പിച്ചു എന്നാണ് സിപിഎം പ്രതികരിച്ചിരിക്കുന്നത്. 'കാലങ്ങളായി തികഞ്ഞ ആത്മാര്‍ത്ഥതയോടെ സംസ്ഥാനത്തെ സേവിച്ച ലോകമെമ്പാടും അറിയുന്ന നേതാവാണ് ബുദ്ധദേവ് ഭട്ടാചാര്യ. അദ്ദേഹത്തിന്റെ മോശം സാഹചര്യത്തില്‍ ചിത്രം എടുക്കുകയും പ്രചരിപ്പിക്കുകയും ചെയ്യുന്നത് സിപിഎമ്മിന്റെ മാത്രമല്ല, ലോകമെമ്പാടുമുള്ള അദ്ദേഹത്തെ അറിയുന്ന ആളുകളെക്കൂടി വേദനിപ്പിക്കലാണ്.'- സിപിഎം ബംഗാള്‍ ഘടകം ട്വിറ്ററില്‍ കുറിച്ചു.
Alongwith Mrs Sudesh Dhankhar today called on veteran communist leader and former Chief Minister Buddhadeb Bhattacharya and his wife Meera ji and wished them subhoy Asthami and good health. pic.twitter.com/Q4splPkccc
— Governor West Bengal Jagdeep Dhankhar (@jdhankhar1) October 24, 2020
എന്നാല്‍ ചിത്രങ്ങള്‍ ട്വിറ്ററില്‍ നിന്ന് നീക്കം ചെയ്യാന്‍ ബംഗാള്‍ ഗവര്‍ണര്‍ തയ്യാറായിട്ടില്ല. ഗവര്‍ണറുടെ നടപടിക്ക് എതിരെ സോഷ്യല്‍ മീഡിയയില്‍ വലിയ വിമര്‍ശനമാണ് ഉയരുന്നത്. ഇത് വെറുപ്പുളവാക്കുന്ന നടപടിയാണെന്ന് വിമര്‍ശിക്കുന്നവര്‍ ചൂണ്ടിക്കാട്ടുന്നു.
While we at @CPIM_WESTBENGAL appreciate Shri @jdhankhar1ji's (Governor of WB) genuflection of visiting our ex-CM Comrade Buddhadeb Bhattacharya at his residence to inquire after his health we are deeply hurt by the pictures that were taken during your visit & shared by you
— CPI(M) WEST BENGAL (@CPIM_WESTBENGAL) October 25, 2020
(1/n)
