രാഷ്ട്രപതി ഭവനിൽ അപ്രതീക്ഷിത അതിഥി ; മൂർഖൻ പാമ്പിനെ പിടികൂടി

ന്യൂഡൽഹി: രാഷ്ട്രപതിഭവനിൽ നിന്നും മൂർഖൻ പാമ്പിനെ പിടികൂടി. രാഷ്ട്രപതി ഭവന്റെ എട്ടാം നമ്പർ ഗേറ്റിൽ തിങ്കളാഴ്ച വൈകീട്ടാണ് പാമ്പിനെ കണ്ടെത്തിയത്. തുടർന്ന് സുരക്ഷാ ഉദ്യോഗസ്ഥൻ പൊലീസിനെ വിവരമറിയിക്കുകയായിരുന്നു.

പൊലീസ് വന്യജീവി സംരക്ഷണ സംഘടനയായ എസ്ഒഎസ് പ്രവർത്തകരെ വിവരം അറിയിച്ചു. എസ്ഒഎസ് പ്രവർത്തകരെത്തി പരിശോധിച്ചപ്പോൾ സുരക്ഷാഉദ്യോ​ഗസ്ഥന്റെ കസേരയ്ക്ക് അടിയിൽ ഒളിച്ചിരിക്കുകയായിരുന്നു. തുടർന്ന്  പാമ്പിനെ പിടികൂടി കാട്ടിലേക്ക് വിട്ടയച്ചു.